DEUTERONOMI 8:18 - Lai (Hakha) Common Language Bible 2006

¹⁸ Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

DEUTERONOMI 8:18 ပူးပေါင်းရင်းမြစ်များ

GENESIS 32:14

Mehehpi za hnih le mehehtum pa kul, tuupi za hnih le tuutum pa kul,

1 CHANRELNAK 29:12

Rumnak siseh upatnak siseh nangmah sinin a rami an si i nangmah nih zeizong vialte kha na uk dih. Na kut chungah hin ṭhawnnak le thazang an um i na kut chungah hin mi vialte nganter khawhnak le thazang pek khawhnak a um.

2 CHANRELNAK 25:9

Cun Amaziah nih Pathian mi cu a thawh i, “Sihmanhsehlaw Israel ralkapbu ka pek cangmi talen za khat tluk cu zeitindah ka tuah kun lai?” tiah a ti. Pathian mi nih cun a leh i, “Mah hi nak hin tam deuh pei Bawipa nih cun an pek khawh cu,” tiah a ti.

SALM 144:1

Bawipa, ka lungpi cu thangṭhat si ko seh! Amah nih raltuknak kha a ka cawnpiak i ka kutdong kha raldoh a thiamter hna.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

JEREMIAH 23:27

Hi an mang, pakhat le pakhat an i chimhmi thawng hin, ka mi hna cu ka min kha kan philhter hna lai, tiah an ruah; an pupa hna nih Baal min ruangah ka min an rak philh bantuk khan.

HOSEA 2:8

Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

DEUTERONOMI 26:10

Cun zohhmanh, maw Bawipa, nangmah nih na kan pekmi vawlei theitlai hmasa bik cio kan rak put,’ tiin nan ti lai. Cun Bawipa nan Pathian hmaiah nan hun lai i Bawipa nan Pathian hmaiah nan kun lai i,

DEUTERONOMI 6:11

nangmah nih na rawnmi a si lomi thil ṭhaṭha in a khatmi inn hna le, nangmah nih na huahmi a si lomi tikhor hna le, nangmah cinmi a si lomi mitsur dum hna le oliv thing hna, chungah an luhpi i na ei i na khim tikah,

DEUTERONOMI 7:12

“Cun hi phunglam kha nan ngaih hna i nan tuah hna caah Bawipa nan Pathian nih nan pupa hna sinah zulh awk i chiat a sermi biakamnak le a fekmi dawtnak cu nannih sinah a hmunhter lai;

DEUTERONOMI 7:8

Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a ṭhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.

DEUTERONOMI 8:1

“Nan nundam i nan karh i Bawipa nih nan pupa hna sinah pek awkin chiat a sermi ram cu nan co nakhnga, nihin ah kan pekmi hna nawlbia vialte cu ṭha tein nan tuah lai.

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.

BIACEIHTU 7:2

Bawipa nih Gideon cu a chawnh i, “Keimah nih Midian mi cu an kut chung i pek awkah na sin i a ummi hna kha an tam tuk; Israel nih, ‘Keimah kut hrimhrim nih pei a ka khamh tiah,’ tiin ka cung lam ah aa uangthlar sual hnga.

1 SAMUEL 2:7

Bawipa nih a pamter tawn hna i a rumter tawn hna; A ṭhumh tawn hna i a hlorh zong a hlorh tawn hna.