DEUTERONOMI 7:7 - Lai (Hakha) Common Language Bible 2006

⁷ Nannih cu midang nakin nan tam deuh caah Bawipa nih a dawtnak cu nan cungah a chiah i an thim hna a si lo, zeicahtiah nannih cu miphun vialte lakah a tlawm bik nan si ko.

DEUTERONOMI 7:7 ပူးပေါင်းရင်းမြစ်များ

1 CHANRELNAK 16:19

Mi tlawmte an si i santlailo le khi ram chungah mipem an si i

SALM 105:12

Pathian mi cu an rak tlawm i cu ram ah cun khual an rak si.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

EZEKIEL 20:5

mah hihi Bawipa Pathian bia a si, ti hna: Israel kha ka rak thim tikah khan kut hler in Jakob phun sinah khan chiatser in ka rak i ṭem chih i an sinah Izipt ram ah khan ka rak i phuang; ka kut kha ka hler i, Keimah cu Bawipa nan Pathian ka si, tiah ka rak ti.

EZEKIEL 36:22

“Cucaah Israel mi cu, hihi Bawipa Pathian bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

MATTHAI 7:14

Nunnak a phanmi lam cu a har i a kutka cu a bi i a hmumi cu tlawmte lawng an si.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

ROM 11:6

A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

ROM 9:18

Cucaah Pathian nih cun zaangfah a duhmi kha a zaangfah ko hna i an lung ṭhawnter a duhmi kha an lung cu a ṭhawnter ko hna.

ROM 9:21

A ngaingai ti ahcun um a sertu nih khan tlak cu a duhduh in hmannak nawl a ngei ko, tlak hlum hlum khat chung khan um pahnih a ser khawh ko hna, pakhat cu sawhsawh men i hman lo dingah a ser i pakhat cu sawhsawh men i hman awkah a ser ko.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.