DEUTERONOMI 7:2 - Lai (Hakha) Common Language Bible 2006

² Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

DEUTERONOMI 7:2 ပူးပေါင်းရင်းမြစ်များ

GENESIS 14:20

Na ral an teitertu Cung Nung Bik Pathian cu thangṭhat si ko seh,” a ti. Cun Abram nih hranchaw a lakmi vialte cheuhra cheukhat a pek.

2 SAMUEL 21:2

Cucaah siangpahrang nih Gibeon mi kha a auh hna. Gibeon mi cu Israel mi an si lo, Amor mi a tangmi kha an si; Israel mi nih kan in zuah ko hna lai tiin an sinah chiat an rak ser nain, Israel mi le Judah mi hna ca i a ṭan tuknak ah Saul nih khan thah awkah a rak kawl hna.

1 SIANGPAHRANG 20:34

Cun Benhadad nih amah cu a thawh i, “Ka pa nih na pa sinin a lakmi khua kha kan khirh ṭhan lai; cun ka pa nih Samaria ah a rak tuah bang khan, nang zong nih Damaskas khua ah chawdawr naa ser ve lai,” tiah a ti. Cun Ahab nih a thawh i, “Hi biakamnak thawng hin kan luatter lai,” tiah a ti. Cucaah amah he cun biakamnak a ser i a kalter.

EZRA 10:3

Cucaah ka bawipa ruahnak cheuhning in le kan Pathian nawlbia ah a thermi hna ruahnak cheuhnak bangin, hi kan nupi vialte hna le an fale hna hi hlawt awkah kan Pathian sinah biakamnak ser u sih; cun phungbia ningin tuah si seh.

SALM 106:34

Bawipa nih a fial hna bang khan tuah loin lawkihmi cu an that hna lo,

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.

NAMBAR 21:2

Cun Israel mi nih Bawipa sinah biakamnak an ser i, “Hi mi hna cu kan kut chungah na kan pek ahcun, an khua kha kan hrawh cikcek hna lai,” tiah an ti.

NAMBAR 31:17

Cu a si caah ngakchia hna lak i pa vialte kha that hna u law, pa a hngal cangmi nu vialte kha that hna u.

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

DEUTERONOMI 13:8

amah cu na hnatlakpi awk a si lo i a bia zong na ngai fawn lai lo, cun na mit zongin na zaangfah lai lo, a zuah zong na zuah lai lo, a thuh zong na thup lai lo;

DEUTERONOMI 13:9

sihmanhsehlaw na thah lai, amah thahnak caah na kut cu a hmasa bik a si lai i cu hnuah cun mi vialte kut cu a si lai.

DEUTERONOMI 19:13

Nan mit nih a zaangfah lai lo, sihmanhsehlaw nan caah a ṭhat nakhnga, Israel chungin a sual lomi thisen mawhnak cu nan thianh lai.

DEUTERONOMI 2:33

Bawipa kan Pathian nih amah cu a kan pek i, amah le a fapa hna le a mi vialte hna cu kan tei dih hna.

DEUTERONOMI 2:34

Khi caan ah a khua vialte cu kan lak dih i khua vialte cu kan hrawh cikcek hna, pa si hna seh, nu si hna seh, ngakchia si hna seh; pakhat hmanh kan taanter hna lo;

DEUTERONOMI 23:14

Bawipa nan Pathian cu nanmah kha khamh awk le nan ral hna kha nan kut chungah pek awkah nan riahhmun chungah aa chawh caah, nan lakah a thurhnawmmi thil zeihmanh a hmuh i an mertak hna nakhnga lo, nan riahhmun cu a thianhlim awk a si.

DEUTERONOMI 25:12

a kut cu nan tan lai; nan mit nih a zaangfah lai lo.

DEUTERONOMI 3:3

Cucaah Bawipa kan Pathian nih Bashan siangpahrang Og zong cu le a mi vialte hna cu kan kut chungah a kan pek i amah caah a tangmi pakhat hmanh an um lo tiangin amah cu kan tuk.

DEUTERONOMI 31:5

Bawipa nih annih cu an pek hna lai i, kan pekmi hna nawlbia vialte bantuk khan an cungah nan tuah lai.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

JOSHUA 10:28

Cun khi ni ah Joshua nih Makkedah cu a lak i cu khua le a siangpahrang cu vainam in a sam dih hna; a chung i a ummi paohpaoh cu a thah dih hna, pakhat hmanh a zuah hna lo; cun Jeriko siangpahrang cungah a tuah bang khan Makkedah siangpahrang cungah cun a tuah.

JOSHUA 10:30

cun Bawipa nih cu khua cu an siangpahrang he tiah Israel mi kut chungah a pek hna; cu khua cu a chung i a ummi vialte he vainam in a sam dih hna; pakhat hmanh a zuah hna lo; Jeriko siangpahrang cungah a tuah bang khan an siangpahrang cungah cun a tuah.

JOSHUA 10:32

cun Bawipa nih Lakhish khua cu Israel mi kut chungah a pek i a ni hnihnak ni ah a lak i cu khua cu a chung i a ummi vialte he vainam in a sam, Libnah cung i a tuah bantuk khan.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

JOSHUA 11:8

Cun Bawipa nih annih cu Israel mi kut chungah a pek hna i an thah hna i, Sidon Ngan le Misrefoth-maim tiang, cun nichuahlei ah Mizpah nelrawn tiang an dawi hna; pakhat hmanh an taan ti lo tiang an thah lengmang hna.

JOSHUA 2:14

Cun mi hna nih cun a sinah, “Kan nun ah nan nung ve lai! Hi kan rian hi na chim lo ahcun, Bawipa nih hi ram kha a kan pek tikah zaangfahnak te le zumh awk tlak tein kan in ti lai,” tiah an ti.

JOSHUA 21:44

Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.

JOSHUA 8:24

Israel mi nih an va dawi hna i pakhat hmanh an taan lo tiangin vainam in an va thahnak hna ramlak hmun ah khan Ai khuami cu an sam dih cikcek hna tikah, Israel mi vialte nih Ai khua ah khan an kir i vainam in an sam dih.

JOSHUA 9:24

Annih nih Joshua cu an leh i, “Bawipa na Pathian nih a sal Moses kha hi ram hi a dihlak in nanmah kha pek awk le nan hmai in hi ram chung i a ummi vialte kha hrawh awkah nawl a pek ti kha fiang tein na sal hna kha an kan chimh i, cucaah nanmah ruangah hin kan nunnak kongah kan thin a phan ngaingai caah mah hi kan tuah.

JOSHUA 9:7

Sihmanhsehlaw Israel mi hna nih cun Hiv mi hna sinah cun, “Kanmah lak i a ummi nan si sual men ko hnga; cu ti a si ahcun zeitindah nannih he biakamnak kan tuah khawh lai?” tiah an ti.

BIACEIHTU 1:24

Cun mingiathlaitu hna nih cun mipa pakhat khua chungin a chuah kha an hmuh i, “Zaangfahnak in, khua chung luhnak lam kan hmuhsak tuah, cun nangmah cu ṭha tein kan in ti ve te lai,” tiah an ti.

BIACEIHTU 1:4

Cun Judah cu a hung kal i Kanaan mi hna le Periz mi hna cu Bawipa nih an kut chungah a pek hna i Bezek khua ah an mi sang khat an tei hna.

BIACEIHTU 2:2

hi ram i a ummi hna he hin biakamnak zeihmanh na tuah lai lo; an biakṭheng cu na hrawh dih hna lai,’ tiah ka ti. Sihmanhsehlaw nawl kan pekmi cu na ngai lo. Na tuahmi hi zeidah a si?