DEUTERONOMI 7:19 - Lai (Hakha) Common Language Bible 2006

¹⁹ nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.

DEUTERONOMI 7:19 ပူးပေါင်းရင်းမြစ်များ

SALM 136:12

A ṭhawngmi a kut le a ban in a chuahpi hna, a dawtnak cu zungzal in a hmun.

SALM 44:4

Nangmah cu ka siangpahrang le ka Pathian na si; nangmah nih na mi cu teinak na pek hna.

SALM 77:12

Na tuah ciami thil vialte kha ka ruat ṭhan hna lai i ka lung chungin ka tuaktan hna lai.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

DEUTERONOMI 29:3

cu hna cu nan mit nih an hmuhmi hneksaknak ngan pipi hna le hmelchunhnak hna le khuaruahhar ngan pipi hna an si.

DEUTERONOMI 3:21

Cun khi tikah Joshua kha nawl ka pek i, ‘Hi siangpahrang pahnih hna cungah Bawipa nan Pathian nih a tuahmi vialte cu na mit nih a hmuh cang; cu bantukin nan va phak laimi ram vialte cungah Bawipa nih a tuah lai.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

JOSHUA 10:25

Cun Joshua nih annih sinah, “Nan thin phang hlah u, nan lung zong dong hlah u; ṭhawng u law, ralṭha ngaiin um tuah u; zeicahtiah Bawipa nih nan dohmi hna nan ral vialte cungah kha bang khan a tuah lai,” tiah a ti.

JOSHUA 24:17

Zeitintiah Bawipa kan Pathian cu kanmah le kan pupa hna kha sal taannak inn, Izipt ram in a kan chuahpitu le kan mithmuh ah hmelchunhnak lianngan a tuahtu le kan kalnak kip le kan palmi miphun kip lakah a kan zuahtu kha a si;

JOSHUA 3:10

Cun Joshua nih, “Mah hi hin Pathian nung cu nan lakah a um i, amah nih pel lo tein nan hmai in Kanaan mi hna le Hit mi hna le Hiv mi hna le Periz mi hna le Girgash mi hna le Amor mi hna le Jebus mi hna cu a dawi hna lai, ti kha hngal ko u.