DEUTERONOMI 7:16 - Lai (Hakha) Common Language Bible 2006

¹⁶ Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

DEUTERONOMI 7:16 ပူးပေါင်းရင်းမြစ်များ

SALM 106:34

Bawipa nih a fial hna bang khan tuah loin lawkihmi cu an that hna lo,

SALM 106:36

Pathian mi nih cun siasal kha an biak hna i cucu an rawhnak a chuahtertu kha a si.

EXODUS 23:33

Nan ram chungah cun an um lai lo, ka cungah an in sualter sual hna hnga. An pathian kha nan biak hna ahcun cu nih cun nanmah rawhnak kha a chuahter lai,” a ti.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

NAMBAR 33:55

Sihmanhsehlaw cu ram i a ummi hna cu nan hmai in nan dawi hna lo ahcun, nan taantermi hna cu nan mit chungah hling le nan hrappang ah chuntu bantuk an si lai i nannih nan umnak ram chungah cun harnak an in pek hna lai.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

DEUTERONOMI 13:8

amah cu na hnatlakpi awk a si lo i a bia zong na ngai fawn lai lo, cun na mit zongin na zaangfah lai lo, a zuah zong na zuah lai lo, a thuh zong na thup lai lo;

DEUTERONOMI 13:9

sihmanhsehlaw na thah lai, amah thahnak caah na kut cu a hmasa bik a si lai i cu hnuah cun mi vialte kut cu a si lai.

DEUTERONOMI 19:13

Nan mit nih a zaangfah lai lo, sihmanhsehlaw nan caah a ṭhat nakhnga, Israel chungin a sual lomi thisen mawhnak cu nan thianh lai.

DEUTERONOMI 19:21

Nan mit nih a zaangfah awk a si lai lo; nunnak caah nunnak, mit caah mit, ha caah ha, kut caah kut, ke caah ke, a si ko lai.

DEUTERONOMI 25:12

a kut cu nan tan lai; nan mit nih a zaangfah lai lo.

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

JOSHUA 11:20

Bawipa nih Moses nawl a pek bangin hrawh cikcek an si i zaangfahnak um loin hloh cikcek an si nakhnga, an lung ṭhawnter i Israel mi hna doh cu Bawipa tuahmi a si.

BIACEIHTU 2:12

Bawipa an pupa hna Pathian, Izipt ram in a chuahpitu hna kha an hlawt; an velchum i a ummi hna pathian hna lak hin pathian dang kha an zulh hna i an hmaiah an kun i Bawipa cu a thin an hunter.

BIACEIHTU 2:3

Cucaah atu cu, na hmai in ka ṭhawl hna lai lo, ka ti; sihmanhsehlaw na caah dohtu an si lai i an pathian cu na caah rap an si lai,” tiah a ti.

BIACEIHTU 3:6

an fanule cu nupi ah an ṭhit hna i an fanu hrimhrim hna cu, cu hna i an fapale sinah khan an pek hna; cun an pathian zong kha an biak hna.

BIACEIHTU 8:27

Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.