DEUTERONOMI 7:14 - Lai (Hakha) Common Language Bible 2006

¹⁴ Miphun vialte hna nakin nannih cu thluachuah nan hmu deuh lai; nannih lakah nu siseh, pa siseh, a cingmi nan um lai lo, nan saṭil lak zongah, an um lai lo.

DEUTERONOMI 7:14 ပူးပေါင်းရင်းမြစ်များ

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

SALM 115:15

Van le vawlei a sertu Bawipa nih cun, thluachuahnak in pe ko hna seh!

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.

LEVITIKAS 26:9

Cun nannih cu hmaizahnak kan pek hna lai i kan punzamter hna lai i kan karhsoter hna lai i, nannih he ka biakamnak kha ka fehter lai.

NAMBAR 22:12

Pathian nih Balaam cu, “An sinah na kal hnga lo; cu mi hna cu chiat na serh hna hnga lo, zeitintiah thluachuakmi an si,” tiah a ti.

DEUTERONOMI 28:11

Bawipa nih nanmah pek awkah nan pupa hna sinah chiat a rak sermi ram chungah khan Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.

DEUTERONOMI 28:4

Nan pum theitlai le nan vawlei theitlai, nan saṭil theitlai, nan caw karhnak le nan tuu punzamnak cu thluachuah pek a si lai.

DEUTERONOMI 30:9

Bawipa nih nan pupa hna kha a rak lawmh hna bangin, nannih rumter awk kha a duh ṭhan lai caah, Bawipa nan Pathian nih nan kut rian vialte le, nan pum theitlai le, nan saṭil karhnak le nan vawlei theitlai ah tam piin an rumter hna lai;

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.