DEUTERONOMI 7:10 - Lai (Hakha) Common Language Bible 2006

¹⁰ amah a huami hna tu cu hrawh awkah anmah cung lila ah tei rul a chammi a si; amah a huami cu a dinhdorh lai lo, chikkhatte ah a lehrulh ko lai.

DEUTERONOMI 7:10 ပူးပေါင်းရင်းမြစ်များ

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EXODUS 34:7

A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.

PHUNGTHLÛKBIA 11:31

Miding hna nih vawlei cungah hin an hmuh awk hnga kha an hmuh ahcun miṭhalo hna le misual hna nih cun zeitluk in dah an hmuh chinchin lai.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

NAMBAR 10:35

Cun kuang cu aa thawh fate Moses nih, “Tho tuah, maw Bawipa, na ral kha i ṭhek dih hna seh law, nangmah an huatu hna cu na hmaiah zaam hna seh,” tiah a ti.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

DEUTERONOMI 32:41

Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

DEUTERONOMI 5:9

an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu,

DEUTERONOMI 7:11

Cucaah nihin ah kan pekmi hna nawlbia le phungbia le phunglam hna cu ṭha tein nan tuah hna lai.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,