DEUTERONOMI 6:5 - Lai (Hakha) Common Language Bible 2006

⁵ Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

DEUTERONOMI 6:5 ပူးပေါင်းရင်းမြစ်များ

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

2 SIANGPAHRANG 23:25

Bawipa sinah a lungthin dihlak le a nunnak dihlak le a thazang dihlak in, Moses nawlbia dihlak ningin, aa mermi siangpahrang amah hlan ah an um lo i amah hnu zongah amah bantuk a hung chuakmi an um lo.

2 CHANRELNAK 15:12

Cun annih nih Bawipa, an pupa hna Pathian kha an lung dihlak le an nunnak dihlak in kawl awkah biakamnak chungah an lut;

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

SALM 31:24

Bawipa cungah a ruahchannak a chiami vialte hna, lungṭhawng le thazang ṭhawng in um ko u!

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MATTHAI 22:37

Jesuh nih cun, “‘Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’

MARKA 12:30

Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai,’ ti hi a biapi bik cu a si.

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

LUKA 10:27

Mipa nih cun a leh i, “ ‘Bawipa na Pathian cu na lungthin dihlak le na nunnak dihlak le na thazang dihlak le na ruahnak dihlak in na dawt lai i na innpa zong kha nangmah naa dawt tlukin na dawt lai,’ a ti,” tiah a ti.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

DEUTERONOMI 11:1

“Cucaah Bawipa na Pathian cu na dawt lai i a bia le a nawlbia hna le a phunglam hna le a phungbia hna cu na zulh zungzal lai.

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

DEUTERONOMI 13:3

cu profet cu siseh mang mantu cu siseh, ahohmanh an bia nan ngai hna lai lo; zeicahtiah Bawipa nan Pathian cu nan lungthin dihlak le nan ruahnak dihlak in nan daw maw ti hngalh awkah Bawipa nan Pathian nih hneksak an del hna a si.

DEUTERONOMI 13:4

Bawipa nan Pathian cu nan zulh lai i nan ṭih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai.

DEUTERONOMI 19:9

Bawipa nan Pathian kha nan dawt i a lam kha a zungzal in nan zulhnak thawngin, nihin i kan pekmi hna nawlbia vialte hi ṭha tein nan ulh hna ahcun a si kho lai — khi tikah hi khua pathum ah hin a dang khua pathum nan chap hna lai,

DEUTERONOMI 30:10

hi nawlbia cauk chungah aa ṭialmi a phungbia le a nawlbia hna kha ulh awkah nannih nih Bawipa nan Pathian aw kha nan ngaih i Bawipa nan Pathian lei ah nan lung dihlak le nan ruahnak dihlak in nan i mer paohpaoh ahcun, an rumter hna lai.

DEUTERONOMI 30:16

Nihin ah kan pekmi hna Bawipa nan Pathian i a nawlbia cu, Bawipa nan Pathian kha dawtnak in le a lam zulhnak in le a nawlbia le a phungbia le a phunglam hna kha zulhnak in nan ngaih ahcun, nan nung lai i nan karh lai, cun co awkah nan luhhnawhmi ram ah nan luh tikah Bawipa nan Pathian nih cu ram ah cun thluachuahnak an pek hna lai.

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

DEUTERONOMI 4:29

Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.

JOSHUA 22:5

Bawipa sal Moses nih, Bawipa nan Pathian cu dawt awk le, a lam vialte kha zulh awk le, a nawlbia hna kha tuah awk le, amah sinah i bek awk le, amah cu nan lung dihlak le nan thlarau vialte in a rianṭuan awkah nawl an pekmi hna nawlbia le phungbia cu tuah awkah ṭha tein i ralring tuah u,” tiah a ti hna.

1JOHAN 5:3

Zeicahtiah, Pathian kan dawt ti cu a nawl kan zul tinak a si ko. Cun a nawlbia cu kan caah a har tuk lo,