DEUTERONOMI 5:5 - Lai (Hakha) Common Language Bible 2006

⁵ Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:

DEUTERONOMI 5:5 ပူးပေါင်းရင်းမြစ်များ

GENESIS 18:22

Cun mi kha an i thawh i Sodom leiah cun an kal, sihmanhsehlaw Bawipa cu Abraham sinah khan a taang.

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 19:21

Bawipa nih Moses cu a thawh i, “Keimah zoh awkah ahohmanh nih ramri kha an lonh sual nakhnga lo ralrinnak vung pe hna, tampi an thi sual lai.

EXODUS 19:25

Moses cu a vung kal i mi zapi kha a vung chimh hna.

JEREMIAH 30:21

Anmah chung mi kha an uktu ah a chuak lai i Anmah mi hrimhrim kha an bawi ah a si lai. Ahohmanh nih anmah tein an ka naih ngam bal lo caah, Keimah nih amah cu, ka naih, tiah ka ti lai i a ka naih lai, tiah Bawipa nih a ti.

NAMBAR 16:48

Cun a thimi le a nungmi karlak ah a dir i rai cu a ṭian.

GALATI 3:19

A si ahcun, Nawlbia cu zei sullam ah dah pek a si kun? Zei hi dah palhnak a si ti langhtertu caah khan pek a si i cucu Pathian nih bia aa kammi Abraham tefa a phak hlantiang caah khan a si. Nawlbia cu vancungmi nih khan pek chin a si i a karlak ah lamkaltu minung pakhat kha a rak um.

DEUTERONOMI 5:27

Va naih law, Bawipa kan Pathian nih a chim laimi vialte cu va ngai law, Bawipa kan Pathian nih an chimh laimi vialte cu kan chim ve law, kan theih lai, kan tuah lai,’ nan ti.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.