DEUTERONOMI 5:4 - Lai (Hakha) Common Language Bible 2006

⁴ Bawipa nih hmaitonh tein tlang ah khan mei chungin an chawnh hna,

DEUTERONOMI 5:4 ပူးပေါင်းရင်းမြစ်များ

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 20:1

Pathian nih hi bia vialte hi a chim hna.

EXODUS 33:11

Minung nih a minung hawi bia a ruah bantukte khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

NAMBAR 14:14

zeitintiah hi miphun hi annih lakin na chuahpimi an si. Annih nih, maw Bawipa, nang cu hi hna lakah na um kha an theih; zeitintiah maw Bawipa, nang cu hmaitonh tein an in hmuh i na minmei nih an cungah a dir i nangmah nih an hmaiah na kal, chun ah minmei tung in, cun zan ah mei alh tung in.

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

DEUTERONOMI 4:15

“Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,

DEUTERONOMI 4:33

Miphun aho tal nih, nannih nih nan rak theih bang khan, pathian aw cu mei lakin an thei in an nung bal dik maw?

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

DEUTERONOMI 5:22

“Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a ṭial hna i keimah kha a ka pek hna.