DEUTERONOMI 4:7 - Lai (Hakha) Common Language Bible 2006

⁷ Kannih nih Bawipa kan Pathian kha kan kawh fate Bawipa kan Pathian nih cun a kan naih tlukin naihtu pathian a ngeimi miphun ngan ahodah a um?

DEUTERONOMI 4:7 ပူးပေါင်းရင်းမြစ်များ

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

SALM 145:18

A autu vialte hna cu an pawng khin an umhnawh hna, lungtak in a autu vialte hna cu.

SALM 147:20

Miphun dang hna caah cun mah hihi a tuah hna lo, a phunglam kha an hngal hna lo. Bawipa cu thangṭhat u!

SALM 148:14

A miphun kha miphun ṭhawng ah a ser hna, cucaah a mi vialte nih an thangṭhat, a dawt ngaingaimi Israel mi nih khan an thangṭhat. Bawipa cu thangṭhat u!

SALM 34:17

Miding mi nih cun Bawipa kha an auh i an bia kha a ngaihpiak hna, an harnak chungin a chuah hna.

SALM 34:18

Lung a dongmi kha Bawipa nih a umpi hna i ruahchannak a ngei lomi kha a khamh hna.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

ISAIAH 43:4

Na nunnak khamh awkah miphun pipi zong kha ka hlawt ko hna lai, zeicahtiah nangmah cu ka caah a sungmi na si i upatnak kan pek i kan dawtmi na si.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

LAMKALTU 17:27

Hihi zeicahdah a tuah ti ahcun, amah kha an kawl i an dah lengmang tikah khan a hmuh tal an hmu phum hnga maw ti caah a si. Asinain Pathian cu aho kan sin hmanh hin aa hlat lo;

DEUTERONOMI 26:19

cun ka sermi miphun vialte hna cungah thangṭhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

DEUTERONOMI 4:32

“Zeitintiah nannih hlan i a rak ummi hlanlio ni hna kha hal tuah hna u, Pathian nih vawlei cung i minung a rak ser ni ri khan, cun vanhramdeng khattelei in khattelei tiang zong hal tuah u, mah bantuk thil lianngan hi a rak um bal maw um bal lo, an rak thei bal maw thei bal lo dik?

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.