DEUTERONOMI 4:34 - Lai (Hakha) Common Language Bible 2006

³⁴ Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 4:34 ပူးပေါင်းရင်းမြစ်များ

SALM 136:12

A ṭhawngmi a kut le a ban in a chuahpi hna, a dawtnak cu zungzal in a hmun.

SALM 24:8

A liannganmi siangpahrang cu ahodah a si? A liannganmi siangpahrang cu a ṭhawng i a lian a nganmi, raltuknak hmun in teitu a simi Bawipa kha a si.

SALM 78:12

An pupa hna mithmuh hrimhrim ah khan Pathian nih khuaruahharmi thil pakhat a tuah, Zoan lo ah, Izipt ram ah khan a tuah.

EXODUS 1:9

A mi kha a thawh hna i, “Israel mi hna hi zohhmanh hna u, an tam tuk i an ṭhawn tuk cang caah hin thinphang kan si.

EXODUS 10:21

Bawipa nih Moses cu a thawh i, “Van leiah khin na kut hler law, khuamui a muih tuk ah a fah in a fakmi nih Izipt ram kha a dihlak in khuh seh,” a ti.

EXODUS 10:7

Faro cu a bawi pawl nih khan an thawh i, “Hi pa hi zei can dah harnak a kan pek lai? Va kal ko hna seh law Bawipa an Pathian cu va bia ko hna seh. Izipt ram a rawk cang hi na hmu kho rih lo maw?” an ti.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 14:30

Cu ni ah cun Bawipa nih Israel mi cu Izipt mi hna kut chung khan a khamh hna i Israel mi nih Izipt mi cu rilikam i an thih i an rilh liangluang ko kha an hmuh hna.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

EXODUS 3:10

Atu cu nangmah kha Faro sinah kan thlah lai i ka mi Israel mi cu Izipt ram in na chuahpi hna lai,” a ti.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

EXODUS 7:3

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

JEREMIAH 21:5

Keimah hrimhrim nih thinhunnak le thinlinhnak le samhmi kut le ban ṭhawng he kan doh lai.

JEREMIAH 32:21

Izipt ram in na mi hna cu hmelchunhnak le khuaruahharnak he, a ṭhawngmi kut le samhmi ban le ṭih a nungmi ṭhawnnak he na chuahpi hna.

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

DEUTERONOMI 10:21

Amah cu na thangṭhat awk cu a si; amah cu na Pathian, hi thil lianngan le thil ṭihnung hna, na mit nih an hmuhmi, a tuahtu hi a si.

DEUTERONOMI 11:2

Cun nihin ah ruat tuah u (a hngalh zong a hngal lo i a hmuh zong a hmu lomi nan tefa hna sinah mah hihi ka chim lo), Bawipa nan Pathian chimhhrinnak le a lianhngannak, a ṭhawngmi a kut le aa samhmi a ban,

DEUTERONOMI 26:8

Cun Bawipa nih a ṭhawngmi kut le samhmi ban in, ṭihnung pipi le hmelchunhnak le khuaruahharnak hna he Izipt ram chungin a kan chuahpi.

DEUTERONOMI 29:3

cu hna cu nan mit nih an hmuhmi hneksaknak ngan pipi hna le hmelchunhnak hna le khuaruahhar ngan pipi hna an si.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

DEUTERONOMI 34:12

a ṭhawngmi lianngannak le a ngan i ṭih a nungmi thil Moses nih Israel mi hna hmaiah, a tuahmi bantuk a tuah khotu kha midang ahohmanh an um ti lo.

DEUTERONOMI 5:15

Izipt ram ah sal na rak si le Bawipa na Pathian nih khika khan a ṭhawngmi kut le samhmi ban in an chuahpi kha na cinken lai; cu caah Bawipa na Pathian nih sabbath ni kha ulh awkah nawl a rak in pek.

DEUTERONOMI 6:21

khi tikah na fapa sinah cun, ‘Kannih cu Izipt ram ah Faro sal kan rak si i Bawipa nih Izipt ram chung cun a ṭhawngmi kut in a kan chuahpi;

DEUTERONOMI 7:19

nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.

DEUTERONOMI 9:29

Zeitintiah annih cu nangmah mi le ro, a liannganmi na ṭhawnnak le samhmi na ban in na chuahpimi hna an si,’ a ti.

JOSHUA 24:7

Cun Bawipa kha an ka auh tikah, Izipt mi he nan karlak ah muihnak ka chiah i rili kha an cungah ka tlunter i ka khuhter hna; cun nannih mit nih Izipt cung i ka tuahmi kha an hmuh; cun ramlak ah caan saupi nan um.

1 PETER 5:6

Cucaah cun a ṭhawngmi Pathian kut toiah toidor tein khuasa u law amah nih a caan a rem a ti tikah an hlorh te hna lai.