DEUTERONOMI 4:30 - Lai (Hakha) Common Language Bible 2006

³⁰ Harnak chungah nan um tik le hi thil vialte cu nan cungah ni hmanung bik ni ah a tlun tikah, Bawipa nan Pathian sinah cun nan kir ṭhan lai i a bia kha nan ngaih lai,

DEUTERONOMI 4:30 ပူးပေါင်းရင်းမြစ်များ

GENESIS 49:1

Jakob nih a fapale kha a auh hna i, “I pum u law, hmailei ah nan cungah zeidah a tlung lai ti kha kan chimh hna lai,” a ti.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

SALM 107:13

Cu bantuk harnak chung cun Bawipa cu an auh i an temhinnak chung cun a khamh hna.

SALM 107:6

An harnak chung cun Bawipa kha an auh i an harnak chung khan a khamh hna.

SALM 18:6

Ka harnak chungin Bawipa cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

SALM 59:16

Sihmanhsehlaw kei tu cu na ṭhawnnak kha hla in ka thangṭhat lai; zing fate in a fekmi na dawtnak kong kha hla in ka sa lai. Nangmah cu ka caah himnak na si, harnak caan ah dornak lungpi na si.

EXODUS 18:8

Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

JEREMIAH 23:20

Bawipa thinhunnak cu, a lung chung tinhmi kha a tuah i a tlinh hlanah cun aa let lai lo. Hmailei caan ah mah hihi fiang tein nan hngalh te lai.

JEREMIAH 4:1

“Maw Israel, ka sinah ra kir ko, ka sinah ra kir ko, tiah Bawipa nih a ti. Ka hmaika in fih a nungmi na siasal kha na ṭhial hna i pial ti loin na um i,

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;

DANIEL 10:14

Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

ZEKHARIAH 6:15

Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

NAMBAR 24:20

Cun Amalek lei cu a hei zoh i a konglam chim cu a thawk i, “Amalek cu miphun hna lakah pakhatnak a si, Sihmanhsehlaw a donghnak ah cun rawknak a phan lai,” tiah a ti.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

DEUTERONOMI 30:10

hi nawlbia cauk chungah aa ṭialmi a phungbia le a nawlbia hna kha ulh awkah nannih nih Bawipa nan Pathian aw kha nan ngaih i Bawipa nan Pathian lei ah nan lung dihlak le nan ruahnak dihlak in nan i mer paohpaoh ahcun, an rumter hna lai.

DEUTERONOMI 30:2

Bawipa nan Pathian sinah nanmah he nan fale hna he nan kir ṭhan i nihin ah kan pekmi hna vialte chungah nan lung dihlak le nan ruahnak dihlak in a aw nan ngaih tikah,

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i