DEUTERONOMI 4:25 - Lai (Hakha) Common Language Bible 2006

²⁵ “Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

DEUTERONOMI 4:25 ပူးပေါင်းရင်းမြစ်များ

2 SIANGPAHRANG 21:2

Bawipa nih Israel mi hna hmai in a ṭhawlmi hna miphun hna nih an tuahmi fihnung phunglam ning khan, amah nih Bawipa mithmuh ah ṭhat lonak kha a tuah.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

EXODUS 20:4

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

EXODUS 32:7

Bawipa nih Moses kha a thawh i, “Khulrang in vung ṭum tuah, zeicahtiah Izipt ram in na chuahpimi na mi hna nih khan an cungah ningzahnak an i tlunter cang.

EZEKIEL 8:10

Cucaah ka vung lut i khika ah a lawn in a lawnmi saram hna le fihnung a simi saram hna le rungrul cangcel hna hmanthlak hna kha ka hmuh hna; cun Israel mi siasal hna cu vampang ah khan an i suai liangluang ko.

HOSEA 9:17

Annih cu ka Pathian nih a hlawt hna lai, Zeicahtiah a bia kha an ngai lo, Annih cu miphun hna lakah mivakvai an si lai.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

DEUTERONOMI 16:22

lung zong nan phun lai lo, zeitintiah mah hna cu Bawipa nan Pathian nih a huat hna.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

DEUTERONOMI 28:45

A phungbia hna le a nawlbia hna an pekmi hna kha ulh awkah Bawipa nan Pathian aw cu nan ngaih lo caah, nan rawk dih hlantiang hi chiatnak vialte cu nan cungah an tlung lai i, an in zulh hna lai i an in phanh hna lai.

DEUTERONOMI 28:61

Nan rawk dih hlantiang, hi phungbia cauk chungah aa ṭial lomi zawtnak phun kip le temhinnak phun kip zong Bawipa nih nan cungah a tlunter hna lai.

DEUTERONOMI 30:18

nannih cu nan rawk lai; luhhnawh awk le co awk caah Jordan tiva nan tanhnawhmi ram chungah sau nan nung lai lo, tiah nihin ah kan thanh hna.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

DEUTERONOMI 32:5

Annih nih a cungah ṭhat lonak an tuah, An dotlak lonak thawngin a fale an si ti lo; Milolak le mizer chan an si.

DEUTERONOMI 4:16

nanmah caah suaimi mui, zei bantuk mui hmanh a ken a si zongah, mipa bantuk maw minu bantuk maw,

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

JOSHUA 24:20

Nannih nih Bawipa kha nan hlawt i ramdang pathian kha nan biak hna ahcun, nan cung i ṭhatnak a tuah hnuah khan, aa let lai i ṭha loin an tuah hna lai i an hrawh dih hna lai,” tiah a ti.