DEUTERONOMI 4:24 - Lai (Hakha) Common Language Bible 2006

²⁴ Zeitintiah Bawipa nan Pathian cu tlumral lak kangh hmang mei, nahchuak Pathian a si.

DEUTERONOMI 4:24 ပူးပေါင်းရင်းမြစ်များ

2 SIANGPAHRANG 24:20

Hi thil Jerusalem le Judah i a tlun cu Bawipa a thin a hun tuk caah khan a si, a donghnak ah cun a sinin a hlonh ko hna. Cun Zedekiah nih Babilon siangpahrang a doh.

SALM 21:9

A hung chuah tikah meizik bantukin a hrawh dih hna lai. Bawipa nih a thinhun in a kangh dih hna lai i mei nih a kangh dih hna lai.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

EXODUS 15:7

A ṭhawngmi na lianhngannak in na ral cu na tei hna i na thinhunnak cu a alh in a alh i, capawl bangin a kangh dih hna.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EXODUS 24:17

(Israel mi nih cun Bawipa sunparnak cu tlang cung i a kangmi mei in an hmuh.)

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

EXODUS 34:14

“Nannih nih pathian dang zeihmanh nan bia hna lai lo, zeicahtiah Bawipa cu ka min ah “Nahchuak” ka si i Pathian nahchuak ka si.

ISAIAH 10:17

Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.

ISAIAH 30:27

Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

NAMBAR 25:11

“Tlangbawi Aaron fapa Eleazar i fapa Phinehas nih Israel mi sinin ka thinhunnak cu a mer cang, zeitintiah annih cu keimah nih ka ṭanh hna bangin a ṭanh ve hna, cucaah ka nahchuahnak nih Israel mi cu a that dih hna lo.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.

DEUTERONOMI 32:16

Ram dang pathian hna in a nah an chuahter Fihnung an tuahnak in a thin an hunter.

DEUTERONOMI 5:9

an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu,

DEUTERONOMI 6:15

zeitintiah nannih lakah a ummi Bawipa nan Pathian cu Pathian nahchuak a si i Bawipa nan Pathian thinhunnak cu a alh i vawlei cungin nannih cu an hrawh sual hna nakhnga lo, nan zul hna lai lo.

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.