DEUTERONOMI 4:23 - Lai (Hakha) Common Language Bible 2006

²³ Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

DEUTERONOMI 4:23 ပူးပေါင်းရင်းမြစ်များ

2 SIANGPAHRANG 17:38

cun nanmah he ka sermi biakamnak kha nan philh lai lo. Nannih nih pathian dang kha nan ṭih hna lai lo,

1 CHANRELNAK 16:15

A biakamnak cu a hngalh zungzal A fehtermi a bia cu chan thong khat tiang a philh lo;

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

EZEKIEL 16:59

Mah hihi Bawipa Pathian bia a si. Aa thawh i, “Nangmah nih biakamnak kha na hrawh i chiatsernak kha zei ah na rel lo caah na hmuh awk hnga a sining in na cungah ka tuah lai.

EZEKIEL 8:10

Cucaah ka vung lut i khika ah a lawn in a lawnmi saram hna le fihnung a simi saram hna le rungrul cangcel hna hmanthlak hna kha ka hmuh hna; cun Israel mi siasal hna cu vampang ah khan an i suai liangluang ko.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

NAMBAR 15:39

cun nannih nih hmumbor kha nan zoh lai i Bawipa nawlbia vialte kha tuah awkah nan hngalh ṭhan lai, i sum loin zulh nan duh tawnmi nanmah nan lung duhnak le mit duhnak kha nan zul ti lai lo.

MATTHAI 24:4

Jesuh nih cun, “I ralring u law ahohmanh i hlenter hna hlah u.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

DEUTERONOMI 16:22

lung zong nan phun lai lo, zeitintiah mah hna cu Bawipa nan Pathian nih a huat hna.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

DEUTERONOMI 27:9

Cun Moses le Levi tlangbawi hna nih khan Israel mi vialte sinah cun, “Maw Israel, dai tein um law, ngai tuah: nihin ni ah hin Bawipa nan Pathian mi nan si cang.

DEUTERONOMI 29:25

Khi tikah mi nih, ‘Bawipa an pupa hna Pathian i biakamnak, Izipt ram chungin a chuahpi hna tikah anmah he a sermi cu an hlawt i

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

DEUTERONOMI 4:25

“Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 5:2

Bawipa kan Pathian nih Horeb ah kanmah he biakamnak a ser.

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

JOSHUA 23:11

Cucaah Bawipa nan Pathian cu dawt awkah i ralring ngaingai tuah u.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.