DEUTERONOMI 4:21 - Lai (Hakha) Common Language Bible 2006

²¹ Cuhleiah nanmah ruangah Bawipa cu ka cungah a thin a hung i Jordan cu ka tan nakhnga lo le Bawipa nan Pathian nih co awkah an pekmi hna ram ṭha cu ka luh nakhnga lo, chiat a ser.

DEUTERONOMI 4:21 ပူးပေါင်းရင်းမြစ်များ

NAMBAR 20:12

Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.

DEUTERONOMI 1:37

Nanmah ruangah Bawipa cu keimah cung zongah a thin a hung i, ‘Nangmah zong khika ah na lut ve lai lo;

DEUTERONOMI 12:9

zeitintiah Bawipa nan Pathian nih an pekmi hna dinhnak le ro cu nan phan rih lo.

DEUTERONOMI 15:4

Nannih lakah mipam nan um lai lo (zeitintiah Bawipa nan Pathian nih ro ca i co awkah an pekmi hna ram chungah thluachuahnak an pek hna lai),

DEUTERONOMI 19:10

zeitintiah Bawipa nan Pathian nih ro caah an pekmi hna ram chungah hin a sual lomi thi thlet a si sual nakhnga lo le, cu thi thlet mawhnak cu nan cungah a tlak nakhnga lo.

DEUTERONOMI 19:3

Lam kha nan sial hna lai i co awkah Bawipa nan Pathian nih an pekmi hna ram cu hmun thum ah nan cheu lai, khika cu mithattu hna an zaam khawhnak hmun a si lai.

DEUTERONOMI 20:16

Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

DEUTERONOMI 24:4

khi tikah a rak kaltertu a va hmasa nih khan, thurhhnawmh a si hnuah, a nupi si awk caah a la ṭhan ti lai lo; zeitintiah mah cucu Bawipa hmaiah fihnung a si i, ro caah Bawipa nan Pathian nih an pekmi hna ram cungah mawhnak nan tlunter lai lo.

DEUTERONOMI 26:1

“Bawipa nan Pathian nih ro caah an pekmi hna ram chungah nan luh i nan co i a chungah nan um tikah,

DEUTERONOMI 3:26

Sihmanhsehlaw nanmah ruang ah Bawipa cu ka cungah a thin a hung i a ka ngai duh lo i Bawipa nih cun, ‘Mah hi na caah i za ko seh, hi kong cu ka chim ti hlah.

DEUTERONOMI 31:2

Cun amah nih annih sinah, “Atu cu kum za le kum kul ka si cang; ka chuak kho in ka lut kho ti lo. Bawipa nih ka sinah, ‘Hi Jordan tiva hi na tan lai lo,’ tiah a ka ti cang.