DEUTERONOMI 4:1 - Lai (Hakha) Common Language Bible 2006

¹ “Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

DEUTERONOMI 4:1 ပူးပေါင်းရင်းမြစ်များ

SALM 105:45

zeicahdah cuticun a tuah ti ahcun, ka mi nih ka nawl kha ngai hna seh law ka phunglam kha zul hna seh ti a duh caah a si. Bawipa cu thangṭhat ko u!

SALM 119:4

Na nawlbia kha na kan pek i zumhawktlak tein nan zulh lai na kan ti.

EXODUS 18:20

Cun nawlbia le phunglam kha na cawnpiak hna lai i zeitindah an nun awk a si ti le zeidah an tuah awk a si ti kha na hngalhter hna lai.

JEREMIAH 11:6

Cun Bawipa nih a ka thawh i, “Hi bia vialte hi Judah ram chung khua hna le Jerusalem khuachung lam ah khan va thanh hna: Hi biakamnak bia hi ngai hna u law tuah hna u, va ti.

EZEKIEL 11:20

Cun ka phung kha an zulh lai i ka nawlbia kha an tuah lai. Annih cu ka mi an si lai i kei cu an Pathian ka si lai.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

EZEKIEL 20:21

“Sihmanhsehlaw an fapale hna zong nih cun an ka doh ṭhiamṭhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh ṭung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah ṭhan.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

EZEKIEL 37:24

Ka sal David cu an uktu siangpahrang a si lai i tuukhal pakhat lawng an ngei lai. Ka phungbia ning khan an um lai i ka nawlbia kha an zulh hna lai i an tuah hna lai.

LEVITIKAS 18:5

Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si.

LEVITIKAS 19:19

“Ka nawlbia kha nan ulh lai. Na saṭil cu phun dangdang he fa na ngeihter hna lai lo; na lo ah thlaici phun hnih na tuh lai lo; thil phun hnih in tahmi puan zong naa aih fawn lai lo.

LEVITIKAS 19:37

Ka nawlbia vialte le ka phunglam vialte kha nan ulh hna lai i nan tuah hna lai: keimah cu Bawipa ka si.”

LEVITIKAS 20:8

Ka nawlbia kha ul hna u law, tuah hna u; nannih an thiantertu hna Bawipa cu keimah ka si.

LEVITIKAS 22:31

“Cu bangin ka nawlbia cu nan ulh hna lai i nan tuah hna lai: keimah cu Bawipa ka si.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

JOHAN 15:14

Kan fialmi hna nan tuah ahcun nannih cu ka hawile nan si.

ROM 10:5

Moses nih Nawlbia zulhnak thawngin Pathian he remnak hmuhnak kong ah a chimmi cu hitihin a si: “Nawlbia nih tuah u a timi a tuahmi paoh cu, cu an tuahnak thawng cun an nung lai,” a ti.

DEUTERONOMI 1:3

Kum sawm linak kum, thla hleikhat thla ni khatnak ni ah cun, Bawipa nih anmah chimh awkah nawlbia a pekmi vialte cu Moses nih Israel mi cu a chimh hna;

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 11:1

“Cucaah Bawipa na Pathian cu na dawt lai i a bia le a nawlbia hna le a phunglam hna le a phungbia hna cu na zulh zungzal lai.

DEUTERONOMI 11:32

nihin ah nan hmai i ka chiahmi nawlbia le phunglam vialte kha ralring tein nan tuah lai.

DEUTERONOMI 13:1

“Nan lakah profet siseh mang mantu siseh an hung chuah i hmelchunhnak siseh khuaruahharnak siseh an in hmuhsak hna i,

DEUTERONOMI 16:20

Biading, biading lawnglawng cu nan zulh lai, nan nun i Bawipa nan Pathian nih an pekmi hna ram cu nan co nakhnga.

DEUTERONOMI 30:16

Nihin ah kan pekmi hna Bawipa nan Pathian i a nawlbia cu, Bawipa nan Pathian kha dawtnak in le a lam zulhnak in le a nawlbia le a phungbia le a phunglam hna kha zulhnak in nan ngaih ahcun, nan nung lai i nan karh lai, cun co awkah nan luhhnawhmi ram ah nan luh tikah Bawipa nan Pathian nih cu ram ah cun thluachuahnak an pek hna lai.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 4:45

Izipt ram in Israel fale hna nih an chuah tikah mah hna hi Moses nih a chimhmi hna hngalhternak bia hna le nawlbia hna le phunglam hna cu an si;

DEUTERONOMI 4:8

Nihin ah nan hmai i ka chiahmi phungbia vialte, hi tlukin a ding hringhranmi hna bantuk, nawlbia le phunglam hna a ngeimi miphun ngan ahodah a um ve?

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 6:1

“Nannih nih co awkah nan kalhnawhmi ram chungah cun nan tuah hna nakhnga, nangmah le na fapa le na fapa fapa nih nan nunchung vialte, nawl kan pekmi hna amah nawlbia vialte le a phungbia vialte hna ulhnak thawngin

DEUTERONOMI 6:24

Cun kannih cu, nihin i a si bang hin, nungdam in a kan zuah nakhnga, Bawipa nih hi nawlbia vialte cu tuah awkah, Bawipa kan Pathian cu ṭih awkah nawl a kan pek, kan ca ṭhatnak caah a si zungzal.

DEUTERONOMI 7:11

Cucaah nihin ah kan pekmi hna nawlbia le phungbia le phunglam hna cu ṭha tein nan tuah hna lai.

DEUTERONOMI 8:1

“Nan nundam i nan karh i Bawipa nih nan pupa hna sinah pek awkin chiat a sermi ram cu nan co nakhnga, nihin ah kan pekmi hna nawlbia vialte cu ṭha tein nan tuah lai.

DEUTERONOMI 8:11

“Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u;

DEUTERONOMI 9:1

“Ngaihmanh, maw Israel, nangmah nakin a lianngan deuh le a ṭhawng deuhmi miphun hna, van tawng in kulhmi khua lianngan pipi a ngeimi hna,

JOSHUA 3:9

Cun Joshua nih Israel mi hna cu, “Hika ah hin ra u law, Bawipa nan Pathian bia kha thei tuah u,” tiah a ti hna.