DEUTERONOMI 32:9 - Lai (Hakha) Common Language Bible 2006

⁹ Zeitintiah Bawipa vo cu a mi kha an si, Jakob cu amah ro hrimhrim kha a si.

DEUTERONOMI 32:9 ပူးပေါင်းရင်းမြစ်များ

2 SAMUEL 14:16

Zeitintiah siangpahrang nih cun a theih lai i, Pathian ro chungin keimah le ka fapa a ka hrawk hnga dingmi kut chungin a salnu cu a ka luatter lai,’ tiah ka ruah.

2 SAMUEL 20:19

Keimah hi Israel mi hna lak i daihnak a duhmi le zumhawktlak a simi pakhat ka si ve; nannih nih Israel chung i nu can a simi khua kha hrawh nan i tim; zeicahdah Bawipa ro cu nan dolh lai,” tiah a ti.

1 SIANGPAHRANG 8:51

(zeitintiah annih cu thir somei, Izipt ram, chungin na chuahpimi hna na mi le na ro an si).

1 SIANGPAHRANG 8:53

Zeitintiah maw Bawipa, Pathian, nangmah nih kan pupa hna Izipt ram chungin na chuahpi hna tikah na sal Moses sinin na rak thanh cang bantuk khan, na ro si awkah vawleicung mi vialte hna lakin na rak thleidan cang hna,” tiah a ti.

SALM 106:40

Cucaah Bawipa cu a mi hna cungah khan a thin a hung i a fih in a fih hna.

SALM 106:5

Na mi hna an ṭhancho cu ka hmuhter law na miphun an i lawmhnak ah cun ka telter ve, nangmah ta a simi hna an hmaihngalnak ah cun kei zong ka hmai ka hngalter ve.

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

SALM 28:9

Na mi cu khamh ko hna, Maw Bawipa; nangmah ta a simi cu thluachuah pe ko hna. An tuukhal si law zungzal in veng ko hna.

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

SALM 78:71

Amah cu Israel siangpahrang ah a ser, Pathian mi hna tuukhal ah a ser.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

ISAIAH 19:25

Ralkapbu Bawipa nih thluachuah a pek hna lai i, “Ka mi Izipt mi hna, thluachuah kan pek hna lai, ka sermi Assiria mi hna, thluachuah kan pek hna lai, ka thimmi Israel mi hna, thluachuah kan pek hna lai,” a ti hna lai.

ISAIAH 34:17

Ram a phawtu hna cu Bawipa a si i amah nih an covo cio kha a pek hna lai. Ram chungah cun chan khat hnu chan khat an um lai i anmah ta a si zungzal cang lai.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 51:19

Jakob sertu Pathian cu hi hna bantukin a si lo, Zeicahtiah amah cu zeizong vialte sertu a si i Israel hi amah ca hrimhrim i aa kawhmi miphun a si, Amah a min cu Ralkapbu Bawipa a si.

MIKAH 2:5

Cucaah ram cu Bawipa mi hna nih an i cheuh ṭhan tikah nannih cu covo zeihmanh nan ngei lai lo.

ZEKHARIAH 2:12

Khi tikah nannih nih keimah cu ralkapbu Bawipa nih a ka thlah ti kha nan hngalh lai. Ram thiang chungah Judah cu Bawipa nih amah ta si awkah a lak ṭhan lai i Jerusalem cu aa thimmi a khuapi ah a ser ṭhan lai.

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

DEUTERONOMI 9:29

Zeitintiah annih cu nangmah mi le ro, a liannganmi na ṭhawnnak le samhmi na ban in na chuahpimi hna an si,’ a ti.

JOSHUA 24:17

Zeitintiah Bawipa kan Pathian cu kanmah le kan pupa hna kha sal taannak inn, Izipt ram in a kan chuahpitu le kan mithmuh ah hmelchunhnak lianngan a tuahtu le kan kalnak kip le kan palmi miphun kip lakah a kan zuahtu kha a si;

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.