DEUTERONOMI 32:41 - Lai (Hakha) Common Language Bible 2006

⁴¹ Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

DEUTERONOMI 32:41 ပူးပေါင်းရင်းမြစ်များ

SALM 149:9

Pathian nawlbia bangin miphun dang cu dantat hna seh. Pathian mi nih an hmuhmi teinak cu hihi a si. Bawipa cu thangṭhat u!

SALM 31:23

Nannih a mithiang vialte hna, Bawipa cu daw ko u! Bawipa nih zumhawktlakmi cu a huhphenh hna, sihmanhsehlaw miporhlaw cu fak piin dan a tat hna.

SALM 7:12

Mi cu an i ngaihchih lo ahcun Pathian nih a nam aa tat lai. A likuk kha aa hruai i kah colh dingin aa tim;

SALM 7:13

A hmual a fak ngaimi a hriam kha aa lak hna i meialh bantuk a simi a cantiang kha aa tinh hna.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

ISAIAH 66:16

A sual tiah a hmuhmi vawleicung mi vialte kha mei le vainam in dan a tat hna lai i an thi lai.

ISAIAH 66:6

Ngai hmanh u! Khua chung i aw thawng cu, Biakinn chung i thawng cu, Bawipa nih a ral dan a tat hnanak thawng a si.

JEREMIAH 44:26

Sihmanhsehlaw Judah ram in a ra i Izipt ram ah a ummi vialte hna Bawipa bia hi ngai tuah u. Ka min cu Judah mi hna hmur ah a cuang ti lai lo, tiin keimah nih ka min a nganmi in chiat ka ser cang, tiah Bawipa nih a ti; Izipt ram chungah cun, ‘Bawipa Pathian a nun bangin,’ ti in chiat an ser ti lai lo.

JEREMIAH 50:18

Cucaah Ralkapbu Bawipa, Israel Pathian nih hi bangin a ti: Assiria siangpahrang dan ka tat bantukin Babilon siangpahrang le a ram cu dan ka tat lai.

JEREMIAH 50:28

Babilon in a luatmi saltang hna cu Zion ah an ra i Babilon mi hna nih Bawipa biakinn cung i an tuahmi thil ruangah Bawipa kan Pathian nih an cung i phuhlamnak a tuahmi kha an rung chim.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

EZEKIEL 21:20

Cun vainam cu Ammon mi khua Rabbah i a ratnak ding lam kha rinpiak law cuka cun Judah ram ah a rung lai i Jerusalem khua a laifang ah cun a lut lai.

EZEKIEL 25:14

Edom cung i phuhlamnak cu ka mi Israel mi hna thawngin ka tuah lai. Ka thinhunnak le ka thinlinhnak nih a fial hna bantukin Edom cungah cun an tuah lai, tiah Bawipa Pathian nih a ti.

EZEKIEL 32:10

Nan cung i a tlungmi thil hin mi tampi kha an khuaruah ka harter hna lai; an siangpahrang hna hmaika ah ka vainam kha ka lek tikah an hmulthi a ling dih lai. Na tluk ni ah cun an cung i a tlung ding ciomi thil ruangah khan an ther lengmang ko lai.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

ZEFANIAH 2:12

Nannih Kush mi zong, Bawipa vainam in thah nan si lai.

NAMBAR 10:35

Cun kuang cu aa thawh fate Moses nih, “Tho tuah, maw Bawipa, na ral kha i ṭhek dih hna seh law, nangmah an huatu hna cu na hmaiah zaam hna seh,” tiah a ti.

MARKA 1:2

Profet Isaiah nih, “Pathian nih, ‘Ka tlangau cu na hmaiah ka thlah lai i na lam kha an sialpiak lai,’ a ti bantuk le

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

DEUTERONOMI 5:9

an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu,

DEUTERONOMI 7:10

amah a huami hna tu cu hrawh awkah anmah cung lila ah tei rul a chammi a si; amah a huami cu a dinhdorh lai lo, chikkhatte ah a lehrulh ko lai.

2TIMOTE 3:4

hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nuamhnak kha an duh deuh lai;