DEUTERONOMI 30:2 - Lai (Hakha) Common Language Bible 2006

² Bawipa nan Pathian sinah nanmah he nan fale hna he nan kir ṭhan i nihin ah kan pekmi hna vialte chungah nan lung dihlak le nan ruahnak dihlak in a aw nan ngaih tikah,

DEUTERONOMI 30:2 ပူးပေါင်းရင်းမြစ်များ

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

1 CHANRELNAK 29:9

Cun mi cu an i lawm, zeicahtiah lungtho tein an pek, lung ṭengnge lo tein thawhlawm cu Bawipa sinah an pek i tampi an pek; siangpahrang David zong aa lawm.

2 CHANRELNAK 30:9

Zeitintiah nannih nih Bawipa sinah khan nan kir ṭhan ahcun nan unau hna le nan fale hna nih khan annih a tlaitu hna sin khan zaangfahnak an hmuh lai i hi ram ah hin an kir ṭhan lai. Zeicahtiah Bawipa nan Pathian cu velngeih thiam le zaangfah thiam a si i amah sinah nan kir ṭhan ahcun nannih kha khuadang an hoitak hna lai lo,” tiah a ti.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

SALM 119:80

Ral tuknak i sungh ningzahnak khan ka luat nakhnga, na nawlbia cu tlamtling tein ka zulhter ko.

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

JEREMIAH 29:13

Nan ka kawl tikah nan ka hmuh lai; nannih nih nan lung dihlak in nan ka kawl tikah

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

LEVITIKAS 26:40

“Sihmanhsehlaw keimah cung i rawinak an tuahnak le keimah ralchanh in an kalnak chung i an tuahmi ṭhat lonak le an pupa hna ṭhat lonak,

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

2 KORIN 3:16

Sihmanhsehlaw Cathiang nih, “Moses cu Bawipa lei i a hun i mer ah khan puan cu aa hawk,” a ti bang khan cu puan cu aa hawk cang.

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

DEUTERONOMI 13:3

cu profet cu siseh mang mantu cu siseh, ahohmanh an bia nan ngai hna lai lo; zeicahtiah Bawipa nan Pathian cu nan lungthin dihlak le nan ruahnak dihlak in nan daw maw ti hngalh awkah Bawipa nan Pathian nih hneksak an del hna a si.

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.