DEUTERONOMI 3:5 - Lai (Hakha) Common Language Bible 2006

⁵ Mah khua vialte hna hi, hau a ngei lomi khuate tampi hna hleiah hau sang pipi in kulhmi le kutka le hrenhnak a ngeimi an si.

DEUTERONOMI 3:5 ပူးပေါင်းရင်းမြစ်များ

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

ESTHER 9:19

Cucaah khuate i a ummi, kulhnak a ngei lomi khua i a ummi Judah mi hna nih cun Adar thla ni hleili ni cu lunglawmhnak le puai le dinh ni ah an ser i cu ni cu pakhat le pakhat kha laksawng a ṭhaṭha i kuatnak ah an hman.

NAMBAR 13:28

Asinain cuka ram i a ummi hna cu an ṭhawng i an khua hna cu kulhmi an si i an ngan ngaingai; cun cu hleiah Anak tefa hna kha cu ka ah cun kan hmuh hna.

DEUTERONOMI 1:28

Khuazeika ah cun dah kan hung kal lai? Kan unau hna nih, “Cu mi hna cu kanmah nakin an ngan deuh i an sang deuh; khua hna cu an ngan i an kulhnak hau hna cu van an tawng; cuhleiah Anak tefa hna zong kha khika ah cun kan hmuh fawn hna,” tiin kan lung kha an kan zorter,’ tiah nan ti.

DEUTERONOMI 3:4

Cun khi caan ah a khua vialte cu kan lak dih hna — annih sinin kan lak lomi khua pakhat hmanh a um lo — khua sawm ruk, mah cucu Argob ram a dihlak, Bashan ram i Og pennak cu a si.

DEUTERONOMI 3:6

Heshbon siangpahrang Sihon cung i kan tuah bang khan kan hrawh cikcek hna; khua kip cu kan hrawh hna i pa, nu, le ngakchia cu kan thah hna.

HEBRU 11:30

Israel mi nih ni sarih chung an vel hnuah Jeriko khua kulhnak vampang a cimhtertu kha zumhnak a si.

1 SAMUEL 6:18

Filistin mi hna khua vialte, an bawi panga hna ta a simi, kulhmi khuapi si hna seh, kulh lomi khuate si hna seh, an tam an tlawm zat ningin, sui zu tete zong kha an kuat. A pawng i Bawipa kuang an chiahnak lung nganpi cu, Beth-shemesh khuami Joshua lo ah nihin tiangin hngaltu a si.