DEUTERONOMI 3:2 - Lai (Hakha) Common Language Bible 2006

² Sihmanhsehlaw Bawipa nih a ka chawnh i, ‘Amah cu ṭih hlah, zeitintiah amah le a mi vialte hna le a ram cu na kut chungah kan pek cang i Amor miphun siangpahrang Sihon, Heshbon i a ummi cung i na tuah bantuk khan, amah cungah na tuah ve lai,’ tiah a ti.

DEUTERONOMI 3:2 ပူးပေါင်းရင်းမြစ်များ

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

NAMBAR 21:34

Sihmanhsehlaw Bawipa nih Moses cu a chawnh i, “Amah kha ṭih hlah, zeitintiah amah cu a mi vialte le a ram he na kut chungah kan pek cang; Heshbon ah a ummi Amor mi hna siangpahrang Sihon cungah na tuah bantuk khan, amah cungah na tuah lai,” tiah a ti.

LAMKALTU 18:9

Zan khat cu Paul nih cun langhnak a hmuh i cu ah cun Bawipa nih a thawh i, “Na thinphang hlah; chim lengmang ko, ngol lai cih,

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

DEUTERONOMI 20:3

mizapi sinah cun, ‘Maw Israel, thei tuah u, nihin cu nan ral doh awkah raltuknak hmun cu nan phan dengmang cang; nan lung der hlah seh, ṭih hlah u, a ther zong ther hlah u, anmah kha ṭih hna hlah u;

DEUTERONOMI 3:1

“Cun kan i mer i Bashan lam ah cun kan hung kal; Bashan siangpahrang Og cu amah le a mi vialte hna he kannih kha Edrei ah doh awkah a ra chuak.

DEUTERONOMI 3:11

(Refaim mi a taangmi hna chungin Bashan siangpahrang Og lawnglawng kha a taang; zohhmanh, a ihkhun cu thir ihkhun a si; Ammon mi hna khua Rabbah ah a um, a si lo mei? Minung dong in, a sau dong kua, a vang dong li a si.)

DEUTERONOMI 3:3

Cucaah Bawipa kan Pathian nih Bashan siangpahrang Og zong cu le a mi vialte hna cu kan kut chungah a kan pek i amah caah a tangmi pakhat hmanh an um lo tiangin amah cu kan tuk.

JOSHUA 10:8

Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.