DEUTERONOMI 3:11 - Lai (Hakha) Common Language Bible 2006

¹¹ (Refaim mi a taangmi hna chungin Bashan siangpahrang Og lawnglawng kha a taang; zohhmanh, a ihkhun cu thir ihkhun a si; Ammon mi hna khua Rabbah ah a um, a si lo mei? Minung dong in, a sau dong kua, a vang dong li a si.)

DEUTERONOMI 3:11 ပူးပေါင်းရင်းမြစ်များ

GENESIS 14:5

A kum hleili kum ah Khedorlaomer le amah he a ṭangṭimi hna kha an ralkap he an ra ciammam i Refaim mi kha Ashteroth Karnaim ah, Zuzim mi kha Ham ah, Emim mi kha Kiriathaim nelrawn ah,

GENESIS 6:15

A tung pe za li le sawm nga, a vang pe sawm sarih le pe nga, a san pe sawm li le pe nga in na sak lai.

2 SAMUEL 11:1

Ṭhal a hung chuak i siangpahrang hna nih raltuknak hmun i an kal tawn caan ah khan, David nih Joab le a sin i a ummi a sinum vialte hna le Israel mi vialte kha a thlah hna i annih nih Ammon mi kha an hrawh dih hna i Rabbah kha an dum. Sihmanhsehlaw David cu Jerusalem khua ah khan a um ko.

2 SAMUEL 12:26

Joab nih khan Ammon mi hna khua Rabbah kha a tuk i siangpahrang khua cu a lak.

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

EZEKIEL 21:20

Cun vainam cu Ammon mi khua Rabbah i a ratnak ding lam kha rinpiak law cuka cun Judah ram ah a rung lai i Jerusalem khua a laifang ah cun a lut lai.

EZEKIEL 25:5

Rabbah cu kalauk tlonnak hmun ah ka ser lai i Ammon cu tuu chiahnak kiam ah ka ser lai. Cuticun keimah cu Bawipa ka si kha nan hngalh lai.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

AMOS 2:9

Asinain, an hmaiah Amor mi kha a hrawktu hna cu keimah ka si, Amor mi cu sidar thing bantukin an sang i kuhthing bantukin an ṭhawng nain, Keimah nih cunglei i an thei le tanglei i an hram cu ka hrawh hna.

DEUTERONOMI 2:11

Anak mi hna bantukin annih zong cu Refaim mi tiah ti an rak si ve, sihmanhsehlaw Moab mi hna nih cun Emim mi tiah an ti hna.

DEUTERONOMI 2:20

(Mah zong cu Refaim mi hna ram tiah ti a si ve. Hlan lioah cun khika ah khan Refaim mi an rak um, sihmanhsehlaw Ammon mi hna nih cun Zamzummim an ti hna.

JOSHUA 12:4

Cun, Refaim mi lakin a taangmi pakhat Bashan siangpahrang Og zong. Amah cu Ashtaroth le Edrei khua ah a um.

JOSHUA 13:12

Ashtaroth le Edrei in a pengtu Bashan siangpahrang Og pennak vialte (Refaim mi hna lakin a taangmi hna lakah amah lawng cu a tang); mah hna hi Moses nih a tei hna i a dawi hna.

BIAPHUAN 21:17

Vanmi nih khan vampang zong cu a tah i amah nih a hmanmi tahnak ningin dong za sawm li pali a sang.

1 SAMUEL 17:4

Cun Filistin mi hna riahhmun cun an mi ṭhawng bik a min Goliath a simi, Gath khuami, a tung dong ruk le khap khat a timi cu a ra chuak.