DEUTERONOMI 27:7 - Lai (Hakha) Common Language Bible 2006

⁷ daihnak thawinak cu nan pekchanh lai i khika ah nan ei lai; cun Bawipa nan Pathian hmaiah nan i lawm lai.

DEUTERONOMI 27:7 ပူးပေါင်းရင်းမြစ်များ

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

ISAIAH 12:3

A ti a halmi cu tikik nih lawmhnak a pek hna bangin Pathian mi cu Pathian nih a khamh hna tikah an i lawm.”

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

HABAKKUK 3:18

Bawipa ah cun kaa lawm ṭhiamṭhiam ko lai i A ka khamhtu Pathian cu ka lawmh ṭhiamṭhiam ko lai.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

DEUTERONOMI 27:6

Bawipa nan Pathian caah remh lomi lung in biakṭheng pakhat nan ser lai i a cungah Bawipa nan Pathian sinah khangh thawinak nan pekchanh lai;

DEUTERONOMI 27:8

Cun cu lung hna cungah cun hi nawlbia cu tliang tein nan ṭial lai,” tiah an ti.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

KOLOSE 1:20

Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.