DEUTERONOMI 27:2 - Lai (Hakha) Common Language Bible 2006

² Cun Bawipa nih an pekmi hna ram i va luh awkah Jordan tiva nan tan ni ah, lung ngan pipi kha nan phun hna lai i lung senghnak nan nalh hna lai;

DEUTERONOMI 27:2 ပူးပေါင်းရင်းမြစ်များ

JOB 19:24

Zungzal a hmun dingin thir cafung le suan in Lung cungah khenh si hna seh law ka hei duh dah!

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

DEUTERONOMI 11:31

Zeitintiah Bawipa nan Pathian nih an pekmi hna ram cu a chungah va luh i va co awkah nannih nih Jordan cu nan tan lai; cun nannih nih nan co i a chungah nan um tikah,

DEUTERONOMI 26:1

“Bawipa nan Pathian nih ro caah an pekmi hna ram chungah nan luh i nan co i a chungah nan um tikah,

DEUTERONOMI 27:1

Cun Moses le Israel upa hna nih cun mizapi cu nawl an pek hna i, “Nihin ah kan pekmi hna nawlbia hi a ningpi in nan ulh lai.

DEUTERONOMI 27:3

cun Bawipa nan pupa hna Pathian nih an kam hna bangin, Bawipa nan Pathian nih an pekmi hna ram, cawhnuk le khuaihliti in a luangmi ram i luh awkah nannih nih nan tan tikah, an cungah hi phungbia vialte kha nan ṭial hna lai.

DEUTERONOMI 27:4

Cun Jordan nan tan dih tikah nihin ah an kong i nawl kan pekmi hna lung hna cu Ebal Tlang ah nan phun hna lai i lung senghnak in nan nalh hna lai.

DEUTERONOMI 6:1

“Nannih nih co awkah nan kalhnawhmi ram chungah cun nan tuah hna nakhnga, nangmah le na fapa le na fapa fapa nih nan nunchung vialte, nawl kan pekmi hna amah nawlbia vialte le a phungbia vialte hna ulhnak thawngin

DEUTERONOMI 9:1

“Ngaihmanh, maw Israel, nangmah nakin a lianngan deuh le a ṭhawng deuhmi miphun hna, van tawng in kulhmi khua lianngan pipi a ngeimi hna,

JOSHUA 1:11

“Riahhmun chungah khan i chawk u law, mi zapi kha, ‘Riahcaw i tim tuah u; zeitintiah ni thum chungah, Bawipa nan Pathian nih co awkah an pekmi hna ram cu va co awkah hi Jordan hi nan tan lai,’ tiah chim hna u,” tiah nawl a pek hna.

JOSHUA 4:1

An phun ning piin Jordan tiva kha an tan dih tikah, Bawipa nih Joshua cu a chawnh i,

JOSHUA 8:30

Khi tikah Joshua nih Ebal Tlang ah Bawipa, Israel Pathian caah biakṭheng pakhat a ser,

JOSHUA 8:31

Bawipa, sal Moses nih Israel mi nawl a pek hna bang khan, Moses phungbia cauk chung i, “remh lomi lung in sermi biakṭheng ahohmanh nih thir hreihriam in tawngh lomi,” tiin aa ṭial bang khan a ser. Cun cu cungah cun Bawipa, sinah khangh thawinak an pek i daihnak thawinak an thawi.

JOSHUA 8:32

Cun khika ah, Israel mi hna hmaika ah cun, Moses nih a ṭialmi phungbia kha lung hna cungah cun a ṭial.