DEUTERONOMI 26:5 - Lai (Hakha) Common Language Bible 2006

⁵ “Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.

DEUTERONOMI 26:5 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 24:4

Ka chuahkehnak ram ah khan na va kal lai i ka rualchan hna chung khan ka fapa Isak caah cun nupi na va ṭhit lai,” tiah a ti.

GENESIS 25:20

Isak cu Rebekah a ṭhit ah kum sawm li a si, Rebekah cu Mesopotamia ram i a ummi Aramean miphun Bethuel fanu a si i a ṭa cu Aramean miphun Laban kha a si.

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 28:5

Isak nih Jakob cu Mesopotamia ram i a ummi Aramean mi Bethuel fapa Laban sinah khan a thlah. Laban cu Jakob le Esau nu Rebekah ṭa kha a si.

GENESIS 31:20

Jakob nih Aramean mi Laban cu a hlen i a kal lai kha a chim lo.

GENESIS 31:24

Cu zan ah cun Aramean mi Laban sinah khan Pathian cu mang in a ra i, “Jakob sinah hronak bia na chim nakhnga lo i ralring,” a ti.

GENESIS 31:40

Chun ah nilin voi tampi ka in i zan ah khuasik voi tampi ka in. Kaa hngilh khawh lo caan voi tampi a um.

GENESIS 43:12

Cun phaisa kha a let hnih in i phorh u, zeicahtiah nan sawngkhoi kaa i an chiah ṭhanmi tangka kha nan khirh ṭhan hna awk a si lai. An palh sual caah a si lai.

GENESIS 45:11

Goshen i na um ahcun kan zohkhenh khawh lai. Mangṭam hi kum nga chung a um rih lai i nangmah le na innchungkhar le na ngeihmi thil vialte kha harnak ton ding kan duh hna lo,’ tiah bia an cah ti in va chim u.

GENESIS 45:7

Vawlei cungah hin tefa nan ngeih nakhnga le nanmah cu nan dihlak in nan nundam nakhnga le a nungmi bu nganpi nan si nakhnga caah Pathian nih nan hmai i a rak ka kalter hi a si.

GENESIS 46:27

Izipt ram ah khan Josef nih fapa pahnih a hrin hna i Jakob innchungkhar mi dihlak Izipt ram i a kalmi cu sawm sarih an si.

GENESIS 47:27

Israel mi cu Izipt ram ah khan an um i an rum i fa tampi an ngei.

GENESIS 47:4

“Cun bawipa, hika ram i kan ratnak cu Kanaan ram chungah khan mangṭam a fak tuk i kan saṭil run caah khan ram zeihmanh a um lo. Cucaah cun bawipa, Goshen ram chungah hin kan umter ko tiah kan in nawl,” an ti.

EXODUS 1:12

Sihmanhsehlaw Izipt mi nih Israel mi cu fak deuh in an hrem hna paoh ah tam deuh in an karh i kau deuh ah an i ṭhek. Izipt mi nih cun Israel mi cu an huat hna i an ṭih hna;

EXODUS 1:5

Jakob tefa hrimhrim kha sawm sarih an si. Josef cu Izipt ram ah khan a rak um cang.

EXODUS 1:7

Asinain Israel mi nih cun fa tampi an ngeih hna i an tam tuk i an ṭhan tuk hringhran caah cu ram cu an khat dih.

HOSEA 12:12

Kan pu Jakob cu Aram ram ah khan a rak zam i Khika ah nupi ṭhitnak caah mi tuu kha a rak khal.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

LAMKALTU 7:15

Cun Jakob cu Izipt ram ah cun a vung kal i khika ah khan amah le kan pupa a kan hringsortu hna cu an thi.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 26:4

Cun tlangbawi nih cun bawm cu nan kut in a lak lai i Bawipa nan Pathian biakṭheng hmaiah a hun lai.

DEUTERONOMI 7:7

Nannih cu midang nakin nan tam deuh caah Bawipa nih a dawtnak cu nan cungah a chiah i an thim hna a si lo, zeicahtiah nannih cu miphun vialte lakah a tlawm bik nan si ko.