DEUTERONOMI 26:2 - Lai (Hakha) Common Language Bible 2006

² Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

DEUTERONOMI 26:2 ပူးပေါင်းရင်းမြစ်များ

2 SIANGPAHRANG 4:42

Baal-shalisha in mipa pakhat a ra i Pathian mi cu thlai thar, barli changreu tlang kul le rawl thar a sawngkhoi in a rak put. Cun Elisha nih, “Mi kha pe hna, ei hna seh,” tiah a ti.

2 CHANRELNAK 31:5

Nawlbia cu ka kip ah an thanh tikah Israel mi nih tampi in rawl thar hmasa hna le mitsur hang le chiti le khuaihliti le lo in a chuakmi vialte kha an thawh i zeizong kip cheu hra cheu khat kha tam piin an rak put.

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

NEHEMIAH 13:31

cun a caan khiahmi pekchanhnak ca thing le theitlai hmasa bik hna caah khan keimah nih ka thawh. Maw ka Pathian, keimah cu ka ca i a ṭhatnak ding caah ka hngal camcin ko.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

EXODUS 22:29

“Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 23:16

Rawl Ṭuan Puai timi kha nan tuah fawn lai; cu puai cu nan lo chung i nan cinthlakmi rawl a theipar hmasa bik an zat caan ah khan a si lai. Kum dongh ah Thingthei Lawh Puai kha nan tuah lai, cu puai cu nan mitsur dum le nan thingthei dum in thingthei nan lawh hna caan ah khan a si lai.

EXODUS 23:19

“Rawl nan ṭuan hmasa bikmi chung i a ṭha bikbik kha Bawipa nan Pathian inn chungah nan rak put lai. “Tuufa kha a nu hnuk in nan chuang lai lo.

EXODUS 34:26

“Nan lo chungin a chuakmi theitlai hmasa bik lak i a ṭha bik kha Bawipa inn ah nan rak put lai. “Tuufa cu a nu hnuk in nan chuang lai lo,” a ti.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

EZEKIEL 20:40

Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.

EZEKIEL 44:30

Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.

EZEKIEL 48:14

Cu ram cu a cheuchumte zong an zuar lai lo i an thleng fawn lai lo; hi hmun ṭha cu an hlawt awk a si lai lo, zeicahtiah Bawipa ca i a thiangmi hmun a si.

LEVITIKAS 2:12

Theitlai hmasa bik thawinak caah cun Bawipa sinah nan rak put ko hna lai, sihmanhsehlaw rimthaw caah cun biakṭheng cungah nan khang hna lai lo.

LEVITIKAS 2:14

“Bawipa sinah theitlai hmasa bik hna changvut thawinak nan pek ahcun, nan theitlai hmasa bik hna changvut thawinak caah cun a voi tharmi chungin lakmi, mei in reu i rialmi fang nan pek lai.

ROM 11:16

Changreu hlum chung i a dar hmasa bik cu Pathian sinah pek a si ahcun, changreu cu a hlum ningin amah ta a si; cun thingkung a hram hna cu Pathian sinah pek an si ahcun a nge zong amah ta an si.

ROM 16:5

An inn i aa pummi Khrihfabu zong nan kut kan tlaih hna. Ka hawikom dawtmi Epenetas zong na kut kan tlaih, amah cu Asia ram ah Khrih a zum hmasa bikmi a si.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

1 KORIN 15:23

Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

1 KORIN 16:2

Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

DEUTERONOMI 16:10

Bawipa nan Pathian nih thluachuah an pek hna ningin nan kut chung chuakmi chungin mah lungtho te pekchanhnak he cun Bawipa nan Pathian caah zarh hna puai cu nan tuah lai;

DEUTERONOMI 18:4

Nan rawl in siseh, nan mitsur hang in siseh, nan chiti in siseh, theitlai hmasa bik hna le nan tuuhmul meh hmasa bik hna cu nan pek lai.

DEUTERONOMI 26:1

“Bawipa nan Pathian nih ro caah an pekmi hna ram chungah nan luh i nan co i a chungah nan um tikah,

DEUTERONOMI 26:3

Cu caan lio i rian a ṭuantu tlangbawi sinah cun nan kal lai i amah sinah, ‘Bawipa nih kan pupa hna sinah pek awkin chiat a sermi ram chungah kan lut cang, tiah Bawipa na Pathian sinah nihin ah nangmah cu kan thanh,’ tiah nan ti lai.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.