DEUTERONOMI 26:18 - Lai (Hakha) Common Language Bible 2006

¹⁸ Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si,

DEUTERONOMI 26:18 ပူးပေါင်းရင်းမြစ်များ

2 SAMUEL 7:24

Na mi Israel cu zungzal in nangmah mi si awkah nangmah nih na caah na fehter i nangmah cu maw Bawipa, an Pathian ah na cang cang.

SALM 119:6

Na nawlbia vialte kha ṭha tein kaa zohchih hna ahcun ningzahnak ka phan lai lo.

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

JEREMIAH 13:11

Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min ṭhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

ROM 16:26

Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

DEUTERONOMI 27:10

Cucaah Bawipa nan Pathian aw cu nan ngaih lai i nihin ah kan pekmi hna a phungbia hna le a nawlbia hna cu nan ulh hna lai,” tiah an ti.

DEUTERONOMI 28:1

“Bawipa nan Pathian aw kha nan ngaih i nihin ah kan pekmi hna nawlbia vialte cu ṭha tein nan tuah ahcun, vawleicung miphun vialte hna cungpi ah khin Bawipa nan Pathian nih an chiah hna lai.

DEUTERONOMI 28:9

Bawipa nan Pathian nawlbia hna kha nan ulh i a lam ah nan kal ahcun, nan sinah chiat a ser cang bangin, Bawipa nih nannih cu amah ca i miphun thiang ah an fehter hna lai.

DEUTERONOMI 29:13

Cun nan pupa Abraham le Isak le Jakob sinah bia a rak kam bangin, nihin ah nannih cu amah mi ah fehter i amah cu nan Pathian si awkah a hmai i an pumhter hna cu a si.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.