DEUTERONOMI 26:12 - Lai (Hakha) Common Language Bible 2006

¹² “Cun kum thumnak kum, cheu hra cheu khat pek kum a simi kum i nan hmuhmi thil vialte chungin cheu hra cheu khat nan pek dih i, Levi mi hna le mipem hna le pangeilo hna le nuhmei hna nih nan khua chungah an ei i an khim nakhnga, annih kha nan pek hna tikah,

DEUTERONOMI 26:12 ပူးပေါင်းရင်းမြစ်များ

GENESIS 47:24

Nan ṭuan tikah cheu nga cheu khat kha Faro nan pek lai. A taangmi cu nanmah caah a si lai, nan lo tuh awk thlaici ca le nanmah le nan innchungkhar hna le nan fale hna ei awk rawl caah a si lai,” a ti.

GENESIS 47:26

Cuticun Josef nih Izipt ram chungah cun upadi pakhat a ser i cu upadi ah cun rawl a chuakmi vialte kha cheu nga cheu khat cu Faro ta a si. Cu upadi cu nihin tiang hin a hmun ko. Tlangbawi hna ram lawnglawng Faro ta ah cun an cang lo.

PHUNGTHLÛKBIA 14:21

Lunglawmmi si na duh ahcun misifak kha va zaangfah hna, mi zeihmanh zeirello i um kha sualnak a si.

LEVITIKAS 27:30

“Ram chung thil, cheu hra cheu khat vialte cu, ram chung i thlakmi thlaici a si ah, thingkung hna theitlai a si ah, Bawipa ta a si; Bawipa ca i a thiangmi a si.

NAMBAR 18:24

Zeitintiah Israel mi hna nih Bawipa sinah pekchanhnak ca i an pekmi cheu hra cheu khat cu Levi mi hna kha ro ah ka pek cang hna; cucaah Israel mi hna lakah ro an ngei lai lo, tiah ka rak ti kha,” tiah a ti.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

HEBRU 7:5

Cun Levi tefa tlangbawi a simi hna kha Nawlbia nih Israel mi hna sinin cheu hra cheu khat nan khawlh hna lai, tiah a ti hna. Israel mi cu Abraham tefa an si ve ko nain le an phunhawi an si ko nain thawhlawm cu an kholh ko hna.

HEBRU 7:9

Cucaah Abraham nih Melkhizedek cu cheu hra cheu khat a pek tikah khan, cheu hra cheu khat a co tawntu Levi nih khan a pek tinak a si.