DEUTERONOMI 23:4 - Lai (Hakha) Common Language Bible 2006

⁴ zeicahtiah Izipt ram in nan chuah tikah lampi ah changreu le tiin an in dong hna lo i, Mesopotamia ram Pethor in Beor fapa Balaam kha nannih chiatserh awk caah an ruaih.

DEUTERONOMI 23:4 ပူးပေါင်းရင်းမြစ်များ

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

NEHEMIAH 13:2

zeicahtiah annih nih Israel mi kha changreu le ti he rak dong loin chiatserh awkah Baalam kha an rak i roih lehlam — asinain, kan Pathian nih chiatserhnak cu thluachuahnak ah a canter.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

JEREMIAH 49:1

Ammon mi hna kong ah Bawipa nih hi bangin a ti: “Israel nih hin fapa a ngei hna lo maw? Rocotu a ngei lo maw? A si kun ah cun, zeicahdah Milkom nih Gad ram cu a co i Amah a biami hna cu Gad ram chung khua ah hin an um?

ṬAHNAK HLA 1:10

A ro vialte kha tlaih awkah a ral nih a kut kha a chuah; Khi tikah khan, nangmah na mibu chungah luh awk na thlauhmi Jentail mi hna a hmunthiang chung i an luh kha a hmuh hna.

EZEKIEL 44:9

Mah hihi Bawipa Pathian bia an si: Ramdangmi ahohmanh, lungthin in siseh, pum in siseh, cuarpar tan lo a simi cu ka hmunthiang chungah an lut kho lai lo, Israel mi lak i a ummi hmanh ramdangmi cu ahohmanh an lut kho lai lo.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

NAMBAR 22:17

zeitintiah upatnak nganpi kan pek hrimhrim lai i na ka chimhmi paoh kha ka tuah lai; ra law, mah mi hna hi chiat ka serhpiak ko hna,’ a ti,” tiah an ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

JOSHUA 24:9

Cun Zippor fapa Balak, Moab siangpahrang, cu a tho i nan nih kha an doh hna; cun mi a hei thlah hna i Beor fapa Balaam cu nannih kha chiat serh awkah a sawm.

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

1 SAMUEL 25:11

Ka tuu hmul mettu hna caah ka thahmi sa le ka changreu le ka ti kha i lak in khuazei in an ra ti ka hngalh lomi minung kha ka pek hna lai maw?” tiah a ti.