DEUTERONOMI 20:3 - Lai (Hakha) Common Language Bible 2006

³ mizapi sinah cun, ‘Maw Israel, thei tuah u, nihin cu nan ral doh awkah raltuknak hmun cu nan phan dengmang cang; nan lung der hlah seh, ṭih hlah u, a ther zong ther hlah u, anmah kha ṭih hna hlah u;

DEUTERONOMI 20:3 ပူးပေါင်းရင်းမြစ်များ

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

JOB 23:16

Pathian nih ka lung kha a ka derter, Lianngan Bik nih ka thin a ka phanter.

SALM 3:6

A ka kulhtu ka ral thong tampi hi ka ṭih hna lo.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

ISAIAH 28:16

Sihmanhsehlaw Bawipa Pathian nih a chimmi cu hihi a si: “Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah ṭial a si lai.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 10:31

Cucaah nan thinphang hlah u: nannih cu pithlung tampi nakin tampi in nan sung deuh,” tiah a ti.

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

MARKA 16:18

rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai,” tiah a ti.

MARKA 16:6

Cu pa nih cun, “Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo — a tho cang! An vuinak hmun hi zoh hmanh u.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

DEUTERONOMI 1:21

Zohhmanh, Bawipa nan Pathian nih ram cu nan hmaiah a chiah cang; hung kal u law, hung co u, Bawipa nan pupa hna Pathian nih an chimh hna bang khan; ṭih hlah u, nan lung zong dong hlah u,’ tiah kan ti hna.

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

DEUTERONOMI 20:2

Cun raltuknak hmun kha nan phak dengmang tikah tlangbawi kha hmaiah a ra chuak lai i

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

1 SAMUEL 17:32

Cun David nih Saul sinah cun, “Amah ruangah hin aho hmanh an lungdong hna hlah seh; na salpa nih ka va kal lai i hi Filistin mipa hi ka va doh lai,” tiah a ti.