DEUTERONOMI 2:36 - Lai (Hakha) Common Language Bible 2006

³⁶ Arnon nelrawn kam i a ummi Aroer in le nelrawn chung i a ummi khua in Gilead tiang, kan ca i a sang tukmi khua pakhat hmanh an um lo; Bawipa kan Pathian nih kan kut chungah an dihlak in a kan pek.

DEUTERONOMI 2:36 ပူးပေါင်းရင်းမြစ်များ

2 SAMUEL 24:5

Jordan tiva kha an tan i Aroer le Gad lei i a va kal i Jazer i a va lanmi nelrawn laifang i a ummi khua in an i thawk.

2 SIANGPAHRANG 10:33

Jordan in nichuahlei ah, Gilead ram vialte, Gad mi hna le Reuben mi hna le Manasseh mi hna ram, Arnon nelrawn pawng i a ummi Aroer thawk in, Gilead le Bashan tiang.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

ISAIAH 17:2

Siria khua hna cu zungzal in chuahtak an si lai. Tuu le caw tlonnak hmun ah an cang lai i ahohmanh nih an ṭhawl hna lai lo.

JEREMIAH 48:19

Maw Aroer i a ummi hna, lam pawngin dir u law zoh tuah u. A zammipa le a zamminu kha rak hal hna hmanh u law, ‘Zeitindah a si?’ tiah rak ti hna hmanh u.

NAMBAR 32:34

Cun Gad fapa hna nih cun Dibon, Ataroth, Aroer,

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 3:12

“Cun mah ram hi kan rak lak tan ah khan Reuben mi hna le Gad mi hna cu Arnon nelrawn kamah a ummi Aroer in aa thawkmi ram le Gilead tlangram a cheu, a khua hna he, ka pek hna;

DEUTERONOMI 4:48

Arnon nelrawn kamah a ummi Aroer in Sirion Tlang tiang (mah cucu Hermon a si),

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

JOSHUA 12:2

Heshbon khua ah a ummi Amor mi siangpahrang Sihon. A uknak cu Arnon tiva nelrawn kam i a ummi Aroer khua in le cu nelrawn laifang in Ammon mi ramri Jabbok tiva tiang a si, cucu Gilead ram hnarcheu a si,

JOSHUA 13:16

Cucaah an ram cu Arnon nelrawn ri ah a ummi Aroer khua in le, nelrawn laifang ah a ummi khuapi le, Medeba hrawng tlangrawn ram vialte cu a si;

JOSHUA 13:9

Arnon tiva nelrawn ri ah a ummi Aroer khua thawk in, cu nelrawn laifang ah a ummi khua le Medeba tlangrawn ram vialte Dibon tiangin;

JOSHUA 21:44

Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.

BIACEIHTU 11:22

Cun annih nih Amor mi hna ram vialte cu Arnon in Jabbok tiang, ramlak in Jordan tiang an co.

BIACEIHTU 11:26

Israel mi nih Heshbon le a khuate hna chungah le Aroer le a khuate hna chungah le, Arnon tiva kam i a ummi khua vialte hna chung i an um lio, kum za thum chungah khan, zeicahdah kha chungah khan na rak lak ṭhan hna lo?