DEUTERONOMI 2:30 - Lai (Hakha) Common Language Bible 2006

³⁰ Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.

DEUTERONOMI 2:30 ပူးပေါင်းရင်းမြစ်များ

1 SIANGPAHRANG 12:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Bawipa nih mah ti hin thil kha a mersan.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

EXODUS 11:10

Hi khuaruahharmi thil vialte hi Moses le Aaron nih Faro hmaiah khan an ser hna, sihmanhsehlaw Bawipa nih a lung a hahter caah Israel mi kha a ram chung cun a chuahter duh hna lo.

EXODUS 4:21

Bawipa nih Moses cu a thawh i, “Atu cu Izipt ram ah na kir lio cang, na tuah khawh lai kan timi khuaruahharmi thil vialte kha Faro hmaiah na tuah hna lai. A lung ka ṭhawnter lai i mi cu kalter a duh hna lai lo.

EXODUS 7:14

Cun Bawipa nih Moses cu a thawh i, “Faro cu a lung a ṭhawng ngaingai i Israel mi hna kalter kha a duh lo.

ISAIAH 48:4

Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

ṬAHNAK HLA 3:65

Na lung kha zeitluk in dah a hah khawh ti kha hmuhsak hna law Annih zawnruahnak kha zeitluk tlawm dah na ngeih ti kha hngalhter ko hna.

NAMBAR 21:23

Sihmanhsehlaw Sihon nih Israel cu a ram tanter kha a awnh duh hna lo. A mi vialte kha a pumh hna i ramlak ah Israel doh awkah cun a kal i Jahaz a phan i Israel kha a tuk.

NAMBAR 21:33

Cun an i mer i Bashan lei lam kha an zulh. Bashan siangpahrang Og nih Edrei ah anmah doh awkah amah le a mi vialte he an hung chuak.

NAMBAR 21:34

Sihmanhsehlaw Bawipa nih Moses cu a chawnh i, “Amah kha ṭih hlah, zeitintiah amah cu a mi vialte le a ram he na kut chungah kan pek cang; Heshbon ah a ummi Amor mi hna siangpahrang Sihon cungah na tuah bantuk khan, amah cungah na tuah lai,” tiah a ti.

DEUTERONOMI 2:31

Cun Bawipa nih a ka chawnh i, ‘Zohhmanh, Sihon le a ram cu nannih sinah pek hram ka thawk cang; a ram cu nan umnak nakhnga, lak hram thawk tuah u,’ tiah a ti.

BIACEIHTU 11:20

Sihmanhsehlaw Sihon nih Israel mi hna cu a ram chungin kal awkah a zum hna lo; cucaah Sihon nih a mi vialte kha a pumh hna i Jahaz ah an riak i Israel mi kha an doh hna.