DEUTERONOMI 2:29 - Lai (Hakha) Common Language Bible 2006

²⁹ Jordan ka tan i Bawipa kan Pathian nih a kan pekmi ram chungah ka luh hlantiang Seir ah a ummi Esau fapa hna le Ar ah a ummi Moab mi hna nih ka cungah an tuah bangin, ka ke in hei ka lanhter men ko,’ tiah ka ti.

DEUTERONOMI 2:29 ပူးပေါင်းရင်းမြစ်များ

GENESIS 19:37

A upa deuh nih khan fapa a hrin in a min ah Moab a sak. Amah cu atu Moab mi a hringsortu hna hi a si.

EXODUS 20:12

“Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

NAMBAR 20:18

Sihmanhsehlaw Edom nih, “Na lan kho hnga lo, vainam he kan chuahhnawh sual hnga,” tiah a ti.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 2:9

Cun Bawipa nih a ka chawnh i, ‘Moab cu awlokchonh hna hlah u, a tuk zong tu hna hlah u, zeitintiah annih ram cu co awkah zeihmanh kan pe hna lai lo, zeicahtiah Lot fapa hna cu Ar kha an co awkah ka pek cang hna.’

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

DEUTERONOMI 25:15

A tling le a dikmi khingthlainak nan ngei lai i, a tling le a dikmi tahnak nan ngei lai, Bawipa nan Pathian nih an pekmi hna ram chungah nan mi hna cu an nun sauter an si nakhnga.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

DEUTERONOMI 4:21

Cuhleiah nanmah ruangah Bawipa cu ka cungah a thin a hung i Jordan cu ka tan nakhnga lo le Bawipa nan Pathian nih co awkah an pekmi hna ram ṭha cu ka luh nakhnga lo, chiat a ser.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 9:6

“Cucaah Bawipa na Pathian nih hi ram ṭha cu co awkah na dinnak thawng in an pek a si lo kha hngal tuah, zeitintiah nangmah cu mikhong na si.