an hmai in Bawipa nih a rak hlohmi miphun hna nih an rak tuah bangkhan khuahrumbo kip ah cun zihmui an khangh. Cun annih nih thil ṭhalo kha an tuah hna i Bawipa kha a thin an phawh,
Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.
Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.
Hi bangin Bawipa nih a ti: Miphun dang hna lam kha i cawn hlah u, Van i hmelchunhnak nan hmuhmi hna ruang zongah khin nan khuaruah har hlah u, Khi bantuk i khuaruah a harmi cu miphun dang hna khi pei an si ko cu.
Cucaah fihnung a simi phung nan hlanah an rak tuahmi hna hi, pakhat hmanh nan tuah ve nakhnga lo le, mah hna hin nan i thurhhnawmh nakhnga lo, ka nawlbia hi i tlaih tuah u: keimah cu Bawipa nan Pathian cu ka si,” tiah a ti.
zeicahtiah, annih nih an pathian hna biaknak ah an tuah tawnmi thil fihnung hna cu an in cawnpiak sual hna hnga i Bawipa nan Pathian cungah nan sual sual hnga.
“Bawipa na Pathian nih na hmaiah annih cu a dawi hna hnuah, ‘Bawipa nih hi ram co awkah a ka luhpi hi, keimah dinnak thawngin pei a si,’ tiah na lung chungin va ti hlah; Bawipa nih na hmai in annih kha a dawi hna cu hi miphun hna ṭhat lonak ruangah a si deuh.
Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.