DEUTERONOMI 18:1 - Lai (Hakha) Common Language Bible 2006

¹ “Levi mi tlangbawi hna, cucu Levi phun a ningpi in, cu hna nih cun Israel mi lakah covo siseh ro siseh an ngei lai lo; Bawipa sinah mei in pekchanhmi thil hna le anmah nih an hmuh awk a simi thil hna cu an ei lai.

DEUTERONOMI 18:1 ပူးပေါင်းရင်းမြစ်များ

JEREMIAH 33:18

Levi tlangbawi hna zong nih khan ka hmaika i khangh thawinak pechantu ding le chang thawinak a khangtu ding le pekchanhnak a tuahtu ding minung kha ngei loin an um bal hna lai lo.

EZEKIEL 44:28

Israel ram chungah ro caah ram zeihmanh an ngeih awk a si lai lo; keimah cu an ro cu ka si. Israel ram chungah tinvo rorah zeihmanh na pe hna lai lo, keimah cu an tinvo cu ka si.

NAMBAR 18:20

Cun Bawipa nih Aaron cu, “An ram chungah ro na ngei lai lo, annih lakah covo zong na ngei lai lo, keimah cu Israel mi hna lakah na vo le na ro ka si.

NAMBAR 26:62

Cun annih lak i relmi, thla khat ri in a cunglei pa hna cu, sang hnih le thong thum an si; annih cu Israel mi lakah rel an si lo, zeitintiah Israel mi lakah annih cu ro pek an si lo.

DEUTERONOMI 10:9

Cucaah Levi cu a unau hna lakah covo siseh ro siseh a ngei lo; Bawipa nan Pathian nih amah sinah a chim bang khan, Bawipa cu a ro a si.)

DEUTERONOMI 12:19

Nan ram chungah nan um chung paoh cu Levi mi kha hlawt lo awkah i ralring tuah u.

JOSHUA 13:14

Levi phun lawng kha Moses nih ro a pek lomi cu a si; Bawipa Israel Pathian sinah mei in pekchanhmi thil cu, a chimh cang bang khan annih ro cu a si.

JOSHUA 13:33

Sihmanhsehlaw Levi phun cu Moses nih ro a pe hna lo; an sinah a rak chim bang khan Bawipa Israel Pathian cu an ro cu a si.

JOSHUA 18:7

Levi mi hna cu nannih lakah vo an ngei lo, zeitintiah Bawipa tlangbawi an sinak cu an ro a si; cun Gad le Reuben le Manasseh phun cheu nih khan Bawipa sal Moses nih a pekmi hna an vo cu Jordan nichuahlei ral ah khan an co cang,” tiah a ti.