DEUTERONOMI 17:9 - Lai (Hakha) Common Language Bible 2006

⁹ Levi mi tlangbawi hna le cu caan i biaceihtu a simi sinah cun nan va kal lai i nan hal hna lai i biakhiahnak cu an in thanh hna lai.

DEUTERONOMI 17:9 ပူးပေါင်းရင်းမြစ်များ

1 CHANRELNAK 26:29

Izhar mi hna chungin, Khenaniah le a fapa hna cu Israel ram a lenglei rian ah, bawi hna le biaceihtu hna ah thiah an si.

EXODUS 18:16

Mi pahnih an i sik tikah ka sinah an ra i ahodah a palh, ahodah a palh lo ti kha bia ka thlehpiak hna i Pathian nawl le upadi kha ka chimh hna,” tiah a leh.

EXODUS 22:8

A firtu kha hmuh khawh a si lo ahcun a hawipa thil kha amah nih a la maw la lo ti hngalhnak ah inn ngeitu pa cu Bawipa sinah chuahpi a si lai.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

EZEKIEL 44:24

Pakhat le pakhat i siknak a chuah tikah zung ah bia an ceih hna lai i bia cu ka phung ning zulh in an khiah hna lai. Caan ngei in tuahmi ka puai dihlak ah ka phung le ka nawlbia kha an zulh hna lai. Ka sabbath kha thiang tein an ulh hna lai.

HAGGAI 2:11

Ralkapbu Bawipa nih hitin a ti, “Tlangbawi kha zeitindah nan biakhiahning a si, tiah hal tuah hna.

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

DEUTERONOMI 16:18

“Bawipa nan Pathian nih an pekmi hna nan khua dihlak chungah, nan phun ning cio ah, biaceihtu hna le bawi hna kha nan chiah hna lai i mi kha dinnak biaceihnak in bia an ceih hna lai.

DEUTERONOMI 17:10

Bawipa nih a thim laimi hmun in an in thanhmi hna ningin nannih nih nan tuah lai; cun an in fial hna ning tein ralring tein nan tuah lai;

DEUTERONOMI 21:5

Cun Levi fapa hna, tlangbawi hna kha hmaiah an ra chuak lai, zeitintiah Bawipa nih amah rian ṭuan awkah le Bawipa min in thluachuah pek awk caah a thim cang hna i, an bia in tazacuainak vialte le i tukdennak vialte cu biachah a si lai.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

DEUTERONOMI 33:10

Jakob kha na phunglam, Israel kha na phungbia an cawnpiak lai; Nangmah hmaiah zihmui le Na biakṭheng cungah pum khangh thawinak an chiah lai.