DEUTERONOMI 17:2 - Lai (Hakha) Common Language Bible 2006

² “Nanmah lakah, Bawipa nih an pekmi hna nan khua hna chungah, a biakamnak buarnak in Bawipa mithmuh ah thil ṭhalo kha a tuah i

DEUTERONOMI 17:2 ပူးပေါင်းရင်းမြစ်များ

2 SIANGPAHRANG 18:12

zeicahdah a si tiah annih nih Bawipa an Pathian aw kha an ngai lo i a biakamnak kha an buar, Bawipa sal Moses nih nawl a pekmi vialte hna hmanh kha an buar; a ngaih zong an ngai duh lo, a tuah zong an tuah duh lo.

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

JOB 31:28

Hi hna hi, biaceihtu hna nih dan an tat awk ṭhat lonak an si ko hnga, Zeicahtiah cunglei Pathian sinah zumh awk tlak loin ka rak um a si hnga.

EXODUS 22:19

“Saram he nu le pa a simi cu thah an si lai.

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

JEREMIAH 34:18

Judah le Jerusalem hruaitu hna nih khan, siangpahrang inn i bawi hna le tlangbawi hna le hi ram chung mi vialte hna he khan, cheu hnih ah an chuahmi cawtum a laifang i an kalnak in ka sinah biakamnak an tuah. Sihmanhsehlaw ka hmaika i biakamnak an tuahmi cu an hrawh i a chung i zulh awk hna cu an zul lo. Cucaah hi mi hna cungah hin, cawtum cung i an tuahmi kha an cungah ka tuah ve lai.

EZEKIEL 16:38

Va cung pa duh le lainawn in taza kan cuai lai i nahchuah le thinhun in thisen a chuahtu tiin sual kan phawt lai.

HOSEA 6:7

Adam ah ka biakamnak kha an hrawh, Khika ah an ka hlen.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

LEVITIKAS 20:2

“Israel mi lak in siseh, an sinah a pemmi khual hna lak in siseh, ahohmanh nih a fa zeihmanh kha Molek a pek ahcun amah cu thah a si lai; ram mi nih lung in an cheh lai.

LEVITIKAS 26:15

ka phungbia kha zei i nan rel hna lo i nan nunnak nih ka phunglam kha a huat i cucaah ka nawlbia tuah duh loin ka biakamnak lehlam kha nan hrawh ahcun,

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

DEUTERONOMI 17:5

cu thil ṭhalo a tuahtu cu nu a si ah pa a si ah, nan hauka hna ah cun nan chuahpi hna lai i cu pa cu siseh, cu nu cu siseh, lung in thi lakin nan cheh hna lai.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

DEUTERONOMI 29:25

Khi tikah mi nih, ‘Bawipa an pupa hna Pathian i biakamnak, Izipt ram chungin a chuahpi hna tikah anmah he a sermi cu an hlawt i

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

HEBRU 10:28

Moses Nawlbia a zul lomi cu, tehte pahnih chimnak in, a sual tiah hmuh a si ahcun, zaangfahnak um loin thah a si.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

JOSHUA 7:11

Israel nih a sual cang; nawl ka pekmi hna ka biakamnak cu an buar cang; pekchanhmi thil cu tlawmpal an i lak; an fir i lih an chim i an thil sinah an chiah hna.

JOSHUA 7:15

Bawipa biakamnak cu a buar i Israel mi lakah ningzah awk a simi thil a tuah caah, pekchanhmi thil a rak lami cu, amah he a ngeihmi vialte he, mei in khangh a si lai,” tiah a ti.

BIACEIHTU 2:20

Cucaah Bawipa thinhunnak cu Israel cungah a alh i, “Hi mi hna nih hin an pupa hna sinah nawl ka pekmi ka biakamnak kha an hrawh i ka bia kha an ngaih lo caah,

BIACEIHTU 6:31

Sihmanhsehlaw Joash nih a hung chuahhnawhtu vialte hna sinah cun, “Baal cu maw nan ṭanh ko lai? Amah cu maw nan humhak ko lai? Amah a ṭanhtu paoh cu, zing ah hin thah a si lai. A biakṭheng kha chimh a si caah, pathian a si ahcun amah le amah i ṭanh ngat seh,” tiah a ti.