DEUTERONOMI 17:16 - Lai (Hakha) Common Language Bible 2006

¹⁶ Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang.

DEUTERONOMI 17:16 ပူးပေါင်းရင်းမြစ်များ

2 SAMUEL 8:4

Cun David nih amah sin khan rangcung ralkap thong khat le za sarih le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

1 SIANGPAHRANG 1:5

Cun Haggith fapa Adonijah kha amah le amah aa hlorh i, “Siangpahrang ka si lai,” tiah a ti i amah caah khan rangleng hna le rangcung ralkap hna le a hmai i a tli dingah minung sawm nga kha a timh hna.

1 SIANGPAHRANG 4:26

Solomon nih a rangleng hna hnuktu rangtum hna caah rang inn sang li le rangcung ralkap thong hleihnih a ngeih hna.

1 SIANGPAHRANG 5:6

Cucaah Lebanon tlang i sidar thing cu an ka haupiak nakhnga nawl pe hna; cun ka sinum hna nih na sinum hna kha an bawmh hna lai i nangmah nih na khiahning bantukin na sinum hna cu ṭuan man ka pek hna lai; zeitintiah Sidon mi tlukin thing saih a thiammi kan lakah an um lo ti kha na hngalh,” tiah a ti.

2 CHANRELNAK 1:16

Cun Solomon nih a cawkmi rangtum hna cu Izipt le Kue in an si i siangpahrang chawlettu hna nih khan a man aa khat in Kue ah khan an cawk tawn hna.

2 CHANRELNAK 9:25

Cun Solomon nih cun rangtum hna le rangleng hna caah ranginn thong li a ngei i rangleng khua hna le Jerusalem i siangpahrang sinah a chiahmi rangcung ralkap sang khat thong hnih a ngeih hna.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

EXODUS 13:17

An tuk awk a herhmi ral kha an hmuh hna tikah an lung i let in maw Izipt ram ah khan kir ṭhan hna lai, ti kha Pathian nih a phan caah, Faro nih Israel mi cu a kalter hna tikah khan, rili kam zulh in Filistia ram ah a hung kalmi lam kha a tawi bik a si ko nain, cu lam cu Pathian nih cun a zulhter hna lo.

EXODUS 13:18

Phihlik kheng tlang vel in a velter deuh hna i thetse ram in Rili Sen lei tu ah khan a kalpi hna. Israel mi cu ral hriamnam tling tein an ngei.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

ISAIAH 2:7

An ram cu sui le ngun in a khat i an rumning cu a dongh in dongh a hngal lo. An ram cu rangtum an khat i an rangleng cu rel cawk lo an si.

JEREMIAH 42:19

Cun Jerimiah nih a bia cu a peh i, “Nannih Judah ram chung i a tangmi hna, Bawipa nih Izipt ram i kal lo awkah an chimh hna. Cucaah nan palh ngaingai caah

EZEKIEL 17:15

Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cu a luat kho lai maw? Biakamnak kha hrawk in a luat kho hnga maw?

HOSEA 11:5

Keimah lei i kir ṭhan cu an duh lo caah Izipt ram ah cun pei dik an kal ṭhan ko lai i Assiria mi cu an siangpahrang a si ko lai.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

MIKAH 5:10

Khi ni ah cun nan rangtum vialte hna le nan rangleng vialte hna cu ka hrawh dih hna lai.

DEUTERONOMI 28:68

Nan kal bal ti lai lo tiah bia kan kam cangmi hna lam ah khan Bawipa nih Izipt ah lawng in an kalpi ṭhan hna lai i khika ah nan ral hna sinah salpa le salnu caah nan i zuar lai, sihmanhsehlaw ahohmanh nih an in caw hna lai lo,' tiah a ti hna.

1 SAMUEL 8:11

Amah nih, “Nannih an uktu hna siangpahrang kalning cu hi bangin a si lai: nan fapa kha a lak hna lai i a rangleng cittu le a rang cittu le a rangleng hmai tlitu dingah a chiah hna lai.