DEUTERONOMI 17:12 - Lai (Hakha) Common Language Bible 2006

¹² Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

DEUTERONOMI 17:12 ပူးပေါင်းရင်းမြစ်များ

EZRA 10:8

ni thum chung i a chuak lomi paoh cu bawi hna le upa hna nawl in a thil vialte chuh a si lai i amah cu salchuak pawl bu chung luh kha donh a si lai, tiah ti a si.

SALM 19:13

Lenglang sualnak chung zongah ka luh nakhnga lo ka kham law cu sualnak cu keimah uktu siter hna hlah; cu tikah ṭhatnak leiah mitling ka si lai i sualnak ṭihnung chungin ka luat lai.

PHUNGTHLÛKBIA 21:11

Miporhlaw cu dantat a si tikah mihrut kha an lung a fim, Mifim cu cawnpiak an si tikah, hngalhnak kha an i chap.

HOSEA 4:4

Bawipa nih aa thawh i, “Zapi kha ahohmanh nih sual phaw hna in a chimh zong chimhring hna hlah seh, Zeicahtiah sual phawt ka duhmi hna cu nanmah tlangbawi hi nan si.

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

NAMBAR 15:30

Sihmanhsehlaw ahohmanh nih, Israel mi taktak a si ah siseh, mipem a si ah siseh, lungpuam in sualnak a tuah ahcun, Bawipa kha a thangchiat a si, cu pa cu a mi hna lakin hlonh a si lai.

NAMBAR 15:31

Bawipa bia kha a nautat caah le a nawlbia kha a buar caah cu pa cu hlonh hrimhrim a si lai; a ṭhat lonak cu amah cungah a si lai,” tiah a ti.

MATTHAI 10:14

Cun innchungkhar pakhatkhat nih siseh, khua pakhatkhat nih siseh, an in tlunter duh hna lo ahcun, cuka hmun cu va kaltak u law nan ke i aa behmi leidip kha va thing u.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

JOHAN 20:23

Mi kha an sualnak nan ngaihthiam hna ahcun ngaihthiam an si ko, nan ngaihthiam hna lo ahcun ngaihthiam lo an si ko,” tiah a ti.

DEUTERONOMI 1:43

Cucaah kan chimh hna i sihmanhsehlaw nan ngai duh lo; Bawipa nawlbia kha nan doh i tlangram ah cun nan hung kal.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

DEUTERONOMI 13:11

Cun Israel mi vialte nih an theih lai i an ṭih lai i nan lakah cu bantuk ṭhat lonak cu an tuah ṭhan bal ti lai lo.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

DEUTERONOMI 17:13

Mi vialte nih an theih lai i an ṭih lai i hramhram in an tuah ṭhan ti lai lo.

DEUTERONOMI 17:7

Thah ding hnga cung i kut a thla hmasa biktu cu biahngaltu kha an si lai i, cu hnuah cun mi vialte kut kha an si lai. Cuticun nan lakin ṭhat lonak cu nan thianh lai.

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

DEUTERONOMI 18:5

Zeitintiah Bawipa nan Pathian nih Bawipa min in dir i rianṭuan zungzal awkah amah le a fapa hna cu nannih nan phun vialte chungin a thim hna.

DEUTERONOMI 18:7

cu ka i Bawipa hmaiah rian ṭuan awkah a dirmi a unau Levi mi hna bantukin, Bawipa a Pathian min in rian a ṭuan ve lai.

1THESALON 4:2

Bawipa Jesuh nawl pekning in kan in cawnpiakmi hna cu nan hngalh.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

1TIMOTE 5:20

Sualnak a tuahmi kha zapi hmaiah chimhring hna law a dang nih khan an ṭih lai.

JOSHUA 1:18

Zei na fial paoh ah na nawlbia kha a ralchanh i na bia kha a almi cu ahohmanh thah a si lai. A ṭhawn bel ṭhawng law, ralṭha ngaiin um ko,” tiah an ti.

BIACEIHTU 20:13

Cucaah atu ah kha mi hna, Gibeah i a ummi mi zei ruaram lo hna kha, kan thah hna i ṭhat lonak cu Israel chungin kan thianh naklai, kan pe hna u,” an ti. Sihmanhsehlaw Benjamin mi hna nih cun an unau Israel mi hna bia kha an ngai duh lo.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.