DEUTERONOMI 17:1 - Lai (Hakha) Common Language Bible 2006

¹ “Bawipa nan Pathian sinah cawtum siseh tuu siseh dotla lo le tlin lonak zeihmanh a ngeimi paoh cu raithawinak ah nan hmang lai lo, zeitintiah mah cucu Bawipa nan Pathian caah fihnung a si.

DEUTERONOMI 17:1 ပူးပေါင်းရင်းမြစ်များ

GENESIS 41:19

Cun caw dang pasarih a der ṭiakṭuak pipi khi an hung chuak ve Izipt ram chung i ka hmuhmi hna lakah a der bik le a ṭhalo bik an si lai.

EXODUS 12:5

Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

PHUNGTHLÛKBIA 11:1

Cuai deu a hmangmi cu Bawipa nih a huat hna, sihmanhsehlaw tahnak khing ahmaanmi cu a lawmhmi a si.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 20:10

Cuai deu le rel deu hman hi Bawipa caah fihnung an si.

PHUNGTHLÛKBIA 6:16

Bawipa nih a huatmi thil paruk a um, A fihmi thil pasarih an um:

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

NAMBAR 29:8

sihmanhsehlaw Bawipa sinah rimthaw khangh thawinak nan pekchanh lai: cawtum no pakhat, tuukawng pakhat, kum khat a timi tuufa a pa pasarih; nannih caah do a tlami kha an si lai;

DEUTERONOMI 15:21

Sihmanhsehlaw do a tlak lo ahcun, a bei ah siseh, a mit a cawt ah siseh, a fakmi dotlak lonak zeipaoh a ngeih ahcun Bawipa nan Pathian sinah nan thawi lai lo.

DEUTERONOMI 23:18

Biakamnak man peknak caah hlawhhlan man siseh, uico si man siseh, Bawipa nan Pathian inn chungah nan ratpi lai lo, zeitintiah hi hna pahnih cu Bawipa caah fihnung a si.

DEUTERONOMI 24:4

khi tikah a rak kaltertu a va hmasa nih khan, thurhhnawmh a si hnuah, a nupi si awk caah a la ṭhan ti lai lo; zeitintiah mah cucu Bawipa hmaiah fihnung a si i, ro caah Bawipa nan Pathian nih an pekmi hna ram cungah mawhnak nan tlunter lai lo.

DEUTERONOMI 25:16

Zeitintiah cu bantuk thil a tuahmi, hlennak a tuahmi vialte hna cu, Bawipa nan Pathian caah fihnung an si.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.