DEUTERONOMI 16:10 - Lai (Hakha) Common Language Bible 2006

¹⁰ Bawipa nan Pathian nih thluachuah an pek hna ningin nan kut chung chuakmi chungin mah lungtho te pekchanhnak he cun Bawipa nan Pathian caah zarh hna puai cu nan tuah lai;

DEUTERONOMI 16:10 ပူးပေါင်းရင်းမြစ်များ

1 CHANRELNAK 29:14

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.

2 CHANRELNAK 31:14

Cun Levi mi Imnah fapa Kore, nichuahlei kutka cawngtu kha Pathian sinah mah lungtho tein pekmi laksawng zohkhenhtu a si i amah nih cun Bawipa ca i kenretmi le a thiang bik pekchanhnak ca i kenretmi thawhlawm cu a ṭhen awk an si.

EXODUS 35:29

Bawipa nih Moses sinin nan tuah awk rian a si tiah a chimhmi hna rian ah thawhlawm pek a duhmi Israel mi chung i nu le pa vialte nih cun an thawhlawm cu Bawipa sinah khan an rak put.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

LEVITIKAS 12:8

Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 23:15

“Sabbath ni a thaizing, hninh thawinak faphal nan rak put ni khan nan rel lai i

LEVITIKAS 25:26

Mi pakhatkhat nih tlanhpiaktu a ngeih lo i amah cu a hun i chilhkhah i a tlanhnak ding caah a za a ngeih ahcun,

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

NAMBAR 28:26

“Theipar hmasa bik hna ni ah, zarh hna puai ah Bawipa sin i rawl thar changvut thawinak nan pekchanh tikah, a thiangmi pumhnak nan ngei lai; rian fak nan ṭuan lai lo,

NAMBAR 31:28

Cun raldohnak ah a kalmi ralkap hna sinin Bawipa caah vo na lak lai, mi si hna seh, cawtum si hna seh, laa si hna seh, tuurun si hna seh, za nga ah pakhat in;

NAMBAR 31:37

Bawipa vo cu tuu za ruk sawm sarih panga an si.

1 KORIN 16:2

Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

2 KORIN 8:10

Hi rian kong ah hin ka ruahnak cu hi bantuk hin a si: Nikum i nan rak thawk cangmi kha atu cu nan lim ahcun a ṭha deuh ka ti. A ṭuannak lawngah si loin ṭuan thawk duhnak zongah khan lungthin a ngei hmasa bik cu nanmah kha nan rak si.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 16:9

“Zarh sarih nan rel lai; nan rawl ṭuan domh ni in zarh sarih nan rel lai.