DEUTERONOMI 15:7 - Lai (Hakha) Common Language Bible 2006

⁷ “Bawipa nan Pathian nih an pekmi hna nan ram chung i nan khua chungah nan lakah nan unau pakhatkhat mipam a um ahcun, cu nan unau mipampa cungah cun nan lung nan hahter lai lo i nan kut zong nan humkanh lai lo,

DEUTERONOMI 15:7 ပူးပေါင်းရင်းမြစ်များ

NEHEMIAH 5:1

Cun mi zapi cu nu he pa he an unau Judah mi hna cungah khan fak piin an au an khuang.

ESTHER 9:19

Cucaah khuate i a ummi, kulhnak a ngei lomi khua i a ummi Judah mi hna nih cun Adar thla ni hleili ni cu lunglawmhnak le puai le dinh ni ah an ser i cu ni cu pakhat le pakhat kha laksawng a ṭhaṭha i kuatnak ah an hman.

ESTHER 9:22

zeicahtiah hi ni hna ah hin Judah mi nih an ral hna sinin himnak an hmuh i hi thla hi an caah ngaihchiatnak in lunglawmhnak ah, ṭahnak in dinhnak ni ah aa thlen thla a si; cun nannih nih hi ni hna cu puai tuahnak le lunglawmhnak ni le laksawng ṭhaṭha i kuatnak le sifakmi hna laksawng peknak ni ah nan hman lai tiin nawl a pek hna.

EXODUS 22:25

“Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

PHUNGTHLÛKBIA 21:13

Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

ISAIAH 58:10

rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.

LEVITIKAS 25:35

“Na unau cu a si a fah i nangmah kha an toh ahcun, nangmah nih na rak cawmken lai; khual le mipem bantukin na sinah a um lai.

MATTHAI 18:30

Sihmanhsehlaw a duh lo. Thong ah khan a leiba a cham dih hlantiang a thlak.

MATTHAI 5:42

Mi nih thil an in hal hna tikah va pe hna u, an in cawi hna tikah va cawih hna u.

DEUTERONOMI 15:11

Zeitintiah sifakmi hna cu nan ram chungah an dong bal lai lo; cu caah hi nawlbia cu kan pek hna, ram chung i a ummi nan unau, sifak le retheimi hna cu nan kut kaupi in nan samhpiak hna lai.

DEUTERONOMI 15:9

‘Kum sarihnak kum, ngaihthiamnak kum cu a nai cang,’ tiin nan ti i nan unau a si a fakmi kha hmuh nan duh lo i zeihmanh pe duh loin nan lung chungah ruahnak ṭhalo a um sual nakhnga lo, i ralring tuah u, nanmah kongah Pathian a auh ahcun nan caah sual a si ko lai.

DEUTERONOMI 24:14

“Rianṭuan na fialmi misifak le mirethei cu, na unau chungmi a si ah, na khuachung i a ummi mipem a si ah, na hrem hna lai lo;