DEUTERONOMI 15:6 - Lai (Hakha) Common Language Bible 2006

⁶ Zeitintiah bia an kam hna bangin Bawipa nan Pathian nih thluachuahnak an pek hna lai i miphun tampi kha nan cawih hna lai; sihmanhsehlaw nan cawi hna lai lo; miphun tampi kha nan uk hna lai, sihmanhsehlaw annih nih cun an in uk hna lai lo.

DEUTERONOMI 15:6 ပူးပေါင်းရင်းမြစ်များ

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

1 CHANRELNAK 17:27

cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.

2 CHANRELNAK 9:26

Cun Zufrates tiva in Filistin mi hna ram tiang, cun Izipt ramri tiang, cuka i a ummi siangpahrang vialte kha a uk hna.

EZRA 4:20

Cun Tiva Ral ram a ning piin a rak uk i, ngunkhuai, thil ngeih man le lam hman man an rak pekmi hna siangpahrang ṭhawngṭhawng kha Jerusalem uktu hi an rak si tawn.

NEHEMIAH 9:27

Cucaah an ral hna kut chungah khan na chanh hna i annih nih an hrem hna. Sifahnak an in tikah nangmah cu an in auh i vancung khin na run theih hna; na zaangfahnak a ngan bantukin an ral hna kut chungin a khamhtu hna khamhtu kha na pek hna.

SALM 112:5

Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

SALM 37:21

Miṭhalo nih cun thil a cawi hna tikah a cham ṭhan ti hna lo, sihmanhsehlaw miṭha cu vel a ngei i nun a siang.

SALM 37:26

Siang tein mi kha a pek zungzal hna i a coih zungzal hna, cun a fale kha thluachuahnak an si.

PHUNGTHLÛKBIA 22:7

Mirum nih misifak kha an uk hna, cawitu cu coihtu sal a si.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

DEUTERONOMI 15:5

Bawipa nan Pathian aw kha nan ngaih i nihin ah kan pekmi hna nawlbia vialte hi ralring tein nan tuah paohpaoh ahcun Bawipa nih thluachuah an pek hrimhrim hna lai.

DEUTERONOMI 28:44

An in coih hna lai i nannih tu nih cun nan coih hna lai lo; lu an si lai i nannih cu mei nan si lai.