DEUTERONOMI 15:4 - Lai (Hakha) Common Language Bible 2006

⁴ Nannih lakah mipam nan um lai lo (zeitintiah Bawipa nan Pathian nih ro ca i co awkah an pekmi hna ram chungah thluachuahnak an pek hna lai),

DEUTERONOMI 15:4 ပူးပေါင်းရင်းမြစ်များ

PHUNGTHLÛKBIA 14:21

Lunglawmmi si na duh ahcun misifak kha va zaangfah hna, mi zeihmanh zeirello i um kha sualnak a si.

PHUNGTHLÛKBIA 28:27

Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

DEUTERONOMI 15:5

Bawipa nan Pathian aw kha nan ngaih i nihin ah kan pekmi hna nawlbia vialte hi ralring tein nan tuah paohpaoh ahcun Bawipa nih thluachuah an pek hrimhrim hna lai.

DEUTERONOMI 28:11

Bawipa nih nanmah pek awkah nan pupa hna sinah chiat a rak sermi ram chungah khan Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.

DEUTERONOMI 3:18

“Cun khi caan ah khan nawl kan pek hna i, ‘Bawipa nan Pathian nih hi ram cu co awkah an pek cang hna; nannih nan unau Israel mi hna hmaiah nan mi ralṭha vialte hna cu hriamnam put in an lan hmasa lai.

DEUTERONOMI 4:21

Cuhleiah nanmah ruangah Bawipa cu ka cungah a thin a hung i Jordan cu ka tan nakhnga lo le Bawipa nan Pathian nih co awkah an pekmi hna ram ṭha cu ka luh nakhnga lo, chiat a ser.