DEUTERONOMI 15:10 - Lai (Hakha) Common Language Bible 2006

¹⁰ Lungtho tein nan pek lai i nan pek tik zongah nan lung chungin nan uam lai lo, zeicahtiah hi caah hin pei Bawipa nan Pathian nih nan rian vialte le nan tuahmi vialte ah thluachuahnak an pek hna lai cu.

DEUTERONOMI 15:10 ပူးပေါင်းရင်းမြစ်များ

PHUNGTHLÛKBIA 22:9

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

PHUNGCHIMTU 11:1

Na tangka cu chawlehnak ah hmang law ni khatkhat cu a miak na hmuh ko lai.

ISAIAH 32:8

Sihmanhsehlaw lihchim lomi nih cun thil a tuah tikah lihchim lo tein a tuah i a hmaanmi thil kong ah khan fek tein a dir.

ISAIAH 58:10

rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

ROM 12:8

midang thazang pek kha a si ahcun kan pek hna awk a si, kan ngeihmi thil midang hrawm ve kha a si ahcun siang tein kan hrawm hna awk a si, nawl ngeihnak kha kan laksawng hmuhmi a si ahcun, fak piin rian kan ṭuan awk a si; midang zaangfah kha a si ahcun lunglawm tein kan zaangfah hna awk a si.

DEUTERONOMI 14:19

Cun thla a ngeimi buṭit-khaubawk paohpaoh cu nan caah thianglo an si; nan ei hna lai lo.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

DEUTERONOMI 15:18

Nanmah sinin nan chuahter tikah nan caah a har lem lai lo; zeicahtiah hlanmi rianṭuantu nih a hmuhmi a cheu lawng khan in kum ruk chung an rianh hna. Cucaah Bawipa nan Pathian nih zeizong nan tuahmi kip ah thluachuahnak an pek hna lai.

DEUTERONOMI 15:4

Nannih lakah mipam nan um lai lo (zeitintiah Bawipa nan Pathian nih ro ca i co awkah an pekmi hna ram chungah thluachuahnak an pek hna lai),

DEUTERONOMI 23:20

Ramdangmi tu cu a miak in nan cawih khawh hna lai; co awkah nan va luhhnawhmi ram chung i nan thil tuahmi kip ah Bawipa nan Pathian nih thluachuah an pek hna nakhnga, nan unau hna cu miak um in nan cawih hna lai lo.

DEUTERONOMI 24:19

“Nan lo chung i rawl nan ṭuan tikah, lo chungah cun faphal pakhat nan philh ahcun lak ṭhan awkah va kal hlah u; mipem le pangeilo le nuhmei caah a si lai, nan kut rianṭuanmi kip ah Bawipa nan Pathian nih thluachuahnak an pek hna lai.

DEUTERONOMI 28:8

Nan buk nan han le rian nan ṭuanmi kip ah Bawipa nih thluachuahnak kha nan caah nawl a pek lai i, Bawipa nan Pathian nih an pekmi hna ram chungah cun thluachuahnak an pek hna lai.

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.