DEUTERONOMI 14:2 - Lai (Hakha) Common Language Bible 2006

² Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

DEUTERONOMI 14:2 ပူးပေါင်းရင်းမြစ်များ

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

ISAIAH 41:9

Vanhramdeng khin kan ratpi; vawlei cung a hlatnak bik hmun in kan kawh i, ‘Nang cu ka sal na si,’ kan ti. Kan hlaw lo, a thim in kan thim lehlam.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

EZEKIEL 21:2

“Mipa, i mer law Jerusalem lei kha zoh law a hmunthiang kha chimhnawh hna; Israel ram kha chimhnawh tuah.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

DANIEL 8:24

A ṭhawnnak cu a ngan ngaingai lai, Sihmanhsehlaw a ṭhawnnak cu amah thazang thawngin a si lai lo. Rawknak tampi kha a tuah lai i thil a tuahmi paoh ah a hlawhtling lai. Miphun nganngan hna le miphun thiang kha a hrawh hna lai.

LEVITIKAS 11:45

Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah,” tiah a ti.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

LEVITIKAS 20:24

Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

DEUTERONOMI 14:21

“Zeihmanh amah thih in a thimi cu nan ei lai lo; ramdangmi nan khua chung i a ummi hna kha nan pek hna lai, an duh ahcun an ei hna lai, asiloah phun dangmi sinah nan zuar khawh lai; zeitintiah nannih cu Bawipa nan Pathian caah a thiangmi miphun nan si. “Meheh fa cu a pi hnuk in nan chuang lai lo.

DEUTERONOMI 28:9

Bawipa nan Pathian nawlbia hna kha nan ulh i a lam ah nan kal ahcun, nan sinah chiat a ser cang bangin, Bawipa nih nannih cu amah ca i miphun thiang ah an fehter hna lai.

DEUTERONOMI 33:3

A si, a mi kha a dawt hna; Amah sinah thiantermi vialte cu a kut chungah an um; Cucaah na keneh kha an zulh, Nangmah sinin lam hmuhsaknak kha an hmuh,

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

DEUTERONOMI 7:7

Nannih cu midang nakin nan tam deuh caah Bawipa nih a dawtnak cu nan cungah a chiah i an thim hna a si lo, zeicahtiah nannih cu miphun vialte lakah a tlawm bik nan si ko.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.