DEUTERONOMI 13:6 - Lai (Hakha) Common Language Bible 2006

⁶ “Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

DEUTERONOMI 13:6 ပူးပေါင်းရင်းမြစ်များ

GENESIS 16:5

Khi tikah Sarai nih Abram cu a thawh i, “Hagar nih zeihmanh i a ka rel lo hi nangmah palh a si. Keimah hrimhrim nih ka sal cu kan pek i fa ka pawi ti aa hngalh cangka keimah kha a ka serhsat. Cucaah kannih pahnih lakah hin ahodah a ding ti kha Bawipa nih kan ceih seh,” tiah a ti.

2 SAMUEL 1:26

Ka nau Jonathan, Nangmah cu kan ngai, Zeitluk in dah ka caah na sun Na ka dawtnak cu khuaruahhar a si, nu dawtnak kha a hluan.

1 SIANGPAHRANG 18:40

Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

2 SIANGPAHRANG 11:18

Cun rammi vialte cu Baal inn ah khan an va kal i an ṭheh i a biakṭheng hna le a siasal hna cu an den cikcek hna i biakṭheng hna hmaiah cun Baal tlangbawi Mattan kha an thah. Cun tlangbawi nih khan Bawipa inn vengtu kha a chiah hna.

2 CHANRELNAK 15:13

cun Bawipa, Israel Pathian a kawl duh lomi paoh cu mino a si ah, mitar a si ah, pa a si ah, nu a si ah, thah a si lai.

2 CHANRELNAK 23:17

Khi tikah mi vialte cu Baal inn ah khan an va kal i an ṭheh i a biakṭheng hna le a milem hna cu an khuai dih hna; cun Baal tlangbawi Mattan kha biakṭheng hna hmaiah cun an thah.

JOB 31:27

Ka lung cu a pingah kalpi a si i anmah upatnak in ka kut ka hler hna ahcun,

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 32:27

annih cu a thawh hna i, “Bawipa Israel Pathian nih, ‘Annih nih an vainam kha i lak hna seh law hi kutka hin khi kutka tiang riahhmun chungah hin i chawk hna seh, cun an unau si hna seh, an hawikom si hna seh an innpa si hna seh, that hna seh,’ a ti,” tiah a ti.

PHUNGTHLÛKBIA 18:24

Hawikom a cheu khat cu pakpalawng biachim lawngah an ṭhahnem, sihmanhsehlaw unau nakin a fek deuhmi hawikom zong an um ve.

PHUNGTHLÛKBIA 5:20

Ka fapa, zeicahdah mi zuangzam cu na duh i nu ralṭha cu na pom?

JEREMIAH 28:15

Cun Jeremiah nih Hananiah cu a thawh i, “Hananiah, ngaihmanh! Nang cu Bawipa nih an thlahmi na si lo i lihbia kha hi miphun hi na bochanter hna.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

JEREMIAH 44:3

hihi zei ruangah dah a si, ti ahcun, an hngalh bal lomi pathian kha an zulh hnanak thawng le cu pathian hna sinah raithawinak an khanghnak thawngin ka thin a ka phoktu hna ṭhat lonak ruangah khan a si. Hi a tuahtu cu nanmah le nan pupa hna kha nan si.

ZEKHARIAH 13:3

Cun profet kha an chuah ṭhan ahcun, an nu le an pa hrimhrim hna nih khan an thawh hna lai i, “Bawipa min in ahmaan lomi bia nan chim caah nan nung ti lai lo,” an ti hna lai. Anmah nih bia kha an chim peng ko ahcun, an nu le an pa hrimhrim nih khan, tleng lakin an chunh hna lai.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

DEUTERONOMI 11:32

nihin ah nan hmai i ka chiahmi nawlbia le phunglam vialte kha ralring tein nan tuah lai.

DEUTERONOMI 13:2

an in chimhmi hna hmelchunhnak cu siseh khuaruahharnak cu siseh a hung tlin i, nan hngalh lomi pathian hna cu, ‘Kannih nih hi pathian dang hi zul hna u sih law, bia hna u sih,’ tiah an chim ahcun,

DEUTERONOMI 13:7

nan velchum i a ummi, vawlei khattelei deng in khattelei deng tiang, nanmah naih i a ummi si hna seh, nanmah he lamhlat i a ummi si hna seh, cu miphun hna i an pathian hna cu —

DEUTERONOMI 17:12

Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

DEUTERONOMI 19:19

a unau cung i tuah a rak i tinhmi bantuk khan a cungah nan tuah lai; cuticun nan lakin ṭhat lonak cu nan thianh lai.

DEUTERONOMI 21:21

Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

DEUTERONOMI 24:7

“Ahohmanh nih Israel mi chungin a unau pakhatkhat kha a fir i sal bantukin a tuah i a zuar i hngalh a si ahcun, mifirtu cu thah a si lai; cu bangin ṭhat lonak cu nan lakin nan thianh lai.

DEUTERONOMI 28:54

Nanmah lak i mi nunnem bik le mitluangtlam bik zong nih a unau kha siseh, a dawtmi a nupi siseh, a tang rihmi a fale hna si hna seh, rawl kha a sianh hna lai lo;

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 2:13

Bawipa cu an hlawt i Baal hna le Ashtaroth kha an biak.

BIACEIHTU 20:13

Cucaah atu ah kha mi hna, Gibeah i a ummi mi zei ruaram lo hna kha, kan thah hna i ṭhat lonak cu Israel chungin kan thianh naklai, kan pe hna u,” an ti. Sihmanhsehlaw Benjamin mi hna nih cun an unau Israel mi hna bia kha an ngai duh lo.

BIACEIHTU 5:8

Annih nih pathian thar kha an i thim hna tikah, Kutka ah raltuknak kha a um. Israel mi sang li chungah khan Phaw siseh, fei siseh, hmuh awk a rak ram maw?

1 SAMUEL 18:1

Saul sinah bia kha a chim dih tikah, Jonathan nunnak cu David nunnak ah aa ṭhitchih i Jonathan nih amah nunnak aa dawt tluk khan a dawt.

1 SAMUEL 18:3

Khi tikah Jonathan nih David sinah khan biakamnak a ser, zeitintiah amah nunnak bantukin a dawt.

1 SAMUEL 20:17

Cun Jonathan nih David cu amah a dawtnak chalh in chiat a serter ṭhan; zeitintiah amah nunnak aa dawt bantuk te khan a dawt.