DEUTERONOMI 13:5 - Lai (Hakha) Common Language Bible 2006

⁵ Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

DEUTERONOMI 13:5 ပူးပေါင်းရင်းမြစ်များ

1 SIANGPAHRANG 13:19

Cucaah amah sinah a kir i a inn chungah rawl a ei i ti a din.

1 SIANGPAHRANG 18:40

Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

JEREMIAH 14:15

Cucaah, vainam le mangṭam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, Bawipa nih hi bangin a ti: Cu profet hna cu vainam le mangṭam in an thi lai.

JEREMIAH 29:32

“Keimah Bawipa nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil ṭha ka tuah ding kha a thih hlanah a hmu manh hna lai lo. Keimah Bawipa nih hi bia cu ka chim,” tiah a ka ti.

JEREMIAH 50:6

Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

ZEKHARIAH 13:3

Cun profet kha an chuah ṭhan ahcun, an nu le an pa hrimhrim hna nih khan an thawh hna lai i, “Bawipa min in ahmaan lomi bia nan chim caah nan nung ti lai lo,” an ti hna lai. Anmah nih bia kha an chim peng ko ahcun, an nu le an pa hrimhrim nih khan, tleng lakin an chunh hna lai.

LAMKALTU 13:8

Sihmanhsehlaw annih cu camhthiam Elimas (cucu a Grik min a si) nih khan a rak al hna i uktu bawi kha Pathian cu zum hlah seh tiah kham aa zuam.

DEUTERONOMI 13:10

Amah nih nangmah cu, Izipt ram chungin, sal taannak inn chung cun an chuahtertu Bawipa na Pathian sinin pialter awk kha a kawl caah lung in thi lakin na cheh lai.

DEUTERONOMI 13:15

cu khuami hna cu vainam in nan thah hrimhrim hna lai, a khua le a chungah a ummi vialte le a saṭil cu vainam in nan hrawh cikcek hna lai.

DEUTERONOMI 13:9

sihmanhsehlaw na thah lai, amah thahnak caah na kut cu a hmasa bik a si lai i cu hnuah cun mi vialte kut cu a si lai.

DEUTERONOMI 17:5

cu thil ṭhalo a tuahtu cu nu a si ah pa a si ah, nan hauka hna ah cun nan chuahpi hna lai i cu pa cu siseh, cu nu cu siseh, lung in thi lakin nan cheh hna lai.

DEUTERONOMI 17:7

Thah ding hnga cung i kut a thla hmasa biktu cu biahngaltu kha an si lai i, cu hnuah cun mi vialte kut kha an si lai. Cuticun nan lakin ṭhat lonak cu nan thianh lai.

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

DEUTERONOMI 19:19

a unau cung i tuah a rak i tinhmi bantuk khan a cungah nan tuah lai; cuticun nan lakin ṭhat lonak cu nan thianh lai.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

DEUTERONOMI 22:24

khi khua hauka ah an pahnih in nan chuahpi hna lai i lung in thi lakin nan cheh hna lai, nu cu, khua chungah a um nain bawmhnak hmuh awkah a au lo caah; pa cu, a innpa nupi kha a sual caah; cuticun ṭhat lonak cu nan lakin nan thianh lai.

DEUTERONOMI 24:7

“Ahohmanh nih Israel mi chungin a unau pakhatkhat kha a fir i sal bantukin a tuah i a zuar i hngalh a si ahcun, mifirtu cu thah a si lai; cu bangin ṭhat lonak cu nan lakin nan thianh lai.

DEUTERONOMI 26:14

mithi ka ngaih lioah cheu hra cheu khat kha zeihmanh ka ei lo i, ka thianlo lioah a zeihmanh kha ka ṭhial lo i, mithi sinah a zeihmanh kha ka pechan lo; Bawipa ka Pathian aw kha ka ngaih i nangmah nih nawl na ka pekmi vialte ningin ka tuah cang.

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

DEUTERONOMI 7:4

Zeitintiah nan fapale hi pathian dang biak awkah keimah zulhnak hin an pialter sual hna lai; cu tikah Bawipa thinhunnak cu nan cungah a alh lai i khulrang in an hrawh ko hna lai.

JOSHUA 23:8

nihin ni tiang nan tuah bangin Bawipa nan Pathian sinah i bek ko u.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIACEIHTU 20:13

Cucaah atu ah kha mi hna, Gibeah i a ummi mi zei ruaram lo hna kha, kan thah hna i ṭhat lonak cu Israel chungin kan thianh naklai, kan pe hna u,” an ti. Sihmanhsehlaw Benjamin mi hna nih cun an unau Israel mi hna bia kha an ngai duh lo.

1 SAMUEL 12:14

Nannih nih Bawipa kha nan ṭih i a rian nan ṭuan i a aw kha nan ngaih i Bawipa nawlbia kha nan ralchanh lo le, cun nanmah le an uktu hna siangpahrang nih Bawipa nan Pathian kha nan zulh ahcun, a ṭha ko lai;